Kulava 23:14 - Livulu lya Shukulu Kalunga

¹⁴ Ngecivene, wamutwalele mu lihya lya Zofime akamwa ya Munkinda wa Pisenga. Co kuje lalo wakatungilileko mitula itanu na ivali, a mutula umo na umo wakombeleleleo ngombe wa nkomba na lijamba lya manga.

Kulava 23:14 Iomraidhean Croise

Isaya 46:6

Vanu vafukula mu vingonga vyavo, nakwitila kuti ngolinde, vapeselesa siliva a vipeseleso. Vakumuna muka-kufula ngolinde ngeci alinge kamponya, asinoni vamukulamena nakumulemesa.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Kulava 21:20

co kutunda ku Mbamote, vaile ku lifuti lya vaMowavi, ku Munkinda wa Pisenga, uje wakenga mu mambo.

Kulava 23:13

Co Mbalake wendekele kuli Mbalame ngwendi, “Tuye mumo nange ku mutambela ukwavo kuje wasa kumona vaIsalele. Ukamona lika vaje vali kuyehi, oloni kuukavamono voshe embwe. Cooni kuje vene ukanjisingilevo.”

Kulava 23:15

Co Mbalame wendekele kuli Mbalake ngwendi, “Imana kuno ku n̄ombelo yove ya kwenyeka, simbu yange njiya nakuliwana na Njambi kuje.”

Kulava 23:29

Mbalame wendekele kuli Mbalake ngwendi, “Njitungile lalo mitula itanu na ivali kuno, co njinenele vingombe va nkomba vatanu na vavali na majamba a vimanga vatanu na vavali.”

Kwituluka mu Mashiko 3:27

Lamata akamwa ya Munkinda wa Pisenga, kenga mesho ove ku mutambela wa kangombe ka yambi, na ku kunto na mu mbwela, na mu ngangela. Co kenga mwamuvwa vije viwunamono omwo yove kuukajavuka nakuya musambwa ya Ndonga ya Yondau.

Kwituluka mu Mashiko 34:1

Mosesa watundile mu vyana vya Mowavi walamatele ku Munkinda wa Nembo, akamwa ya Munkinda wa Pisenga mu ngangela ya Yeliko. Co kuje vene Shukulu Kalunga wamumwesele lifuti lyoshe lya Ngilyande kweta na ku kunto ya nganda ya Ndani,

Kwituluka mu Mashiko 4:49

Co lalo amo na mutambela woshe wa mu ngangela ku Ndonga ya Yondau na ku mutambela wa mu mbwela kweta na ku Lishali lya Mwongwa, na mu ngangela kweta kwisi ya Munkinda wa Pisenga.