Kulava 23:10 - Livulu lya Shukulu Kalunga

¹⁰ Iya asa kulava vatekulwila va Yakomba, vapwa ngwe lishen̄avu nameme kulavulula mutambela umo wa vanu va Isalele? Njitave njitse kutsa kwa vanu va Njambi, co kutsa kwange kupwe kwa kwoloka ngwe kwa vaka-vushunga!”

Kulava 23:10 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Myaso 116:15

Kutsa kwa vaka-kukulaela, kuli na seo ku mesho a Shukulu Kalunga.

Myaso 37:37

Kenga ali muka- mulonga, na ali muka-vushunga, munu wa kwoloka wakala na vatekulwila vavangi,

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Kulava 2:16

Co voshe vaje vakele mu mbunga ya Luvena ngwe ku miyati yavo vapwile 151,450. Co mbunga ya Luvena ikeyo ikapwa yamucivali kukatuka nakukava mbunga ya Yunda.

Kulava 2:24

Co voshe vaje vakele mu mbunga ya Efalime, ngwe ku miyati yavo, vapwile 108,100. Co mbunga ya Efalime ikeyo ikapwa yamucitatu kukatuka nakukava mbunga ya Mbenjemani.

Kulava 2:31

Co voshe vaje vakele mu mbunga ya Ndani, ngwe ku miyati yavo vapwile 157,600. Co mbunga ya Ndani ikeyo ikapwa yakumanesela kukatuka nakukava vakwavo.”

Kulava 2:9

Co voshe vaje vali mu mbunga ya Yunda ngwe ku miyati yavo vapwile 186,400. Vakevo vakalivanga kukatuka.

Kulava 31:8

amo na vimyene vatanu va vaMindyani, Mwene Evi, na Mwene Lekeme, na Mwene Zule, na Mwene Hule, na Mwene Lemba. Co vatsiile lalo na Mbalame muna Mbeole na moko ya mukwale.

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”