Kulava 22:7 - Livulu lya Shukulu Kalunga

⁷ Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Kulava 22:7 Iomraidhean Croise

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 56:11

Vantwama vaje kuvesi kuzivisisa vanapu ngwe tutali vamutupu vaje kuvesi kukuta. Vantwama ava kuvesi kuzivisisa. Ntwama na ntwama ashaka kulinga vije vimuvwaelelesa.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Ezekiyele 21:21

Mwene wa ku Mbambilone nemana ku masambwa-ngila ku manda ya cimweso. Mukweseka kuwana ngila ika yaila, alinakuningangesa mikili yendi, nakwihula tumponya twendi, nakwilula mwamuvwa lishuli lya kasitu wakukombelela.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Kulava 22:8

Co Mbalame wendekele kuli vakevo ngwendi, “Laleni kuno, co imene njikamikumbulula vije vyakanjileka Shukulu Kalunga.” Ngecivene, vaje vantwama va vaMowavi vatumbamene kuli Mbalame.

Kulava 23:23

Mwa vushunga vene kukwesi mikalo ili na seo kuli Yakomba, nambe manseno kuwasa kupanga kuli Isalele. Ololo vanu vakendeka ali Yakomba na Isalele ngwavo, ‘Kengeni vije vyanalingi Njambi ali vakevo!’

Kulava 24:1

Omo Mbalame wamwene ngeci, cavwaelelesele Shukulu Kalunga kuvezikisa vanu va Isalele, kaile lalo mukushakezeka vyakutaa ngwe muje mwalingile akulivanga, oloni wakengeselele mu mambo.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

Yoshwa 13:22

Co akati ka vanu vaje vavatsiile vaIsalele akele Mbalame muna Mbeole muka-kutaha.

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,

Yunda 1:11

Luvinda ali vakevo! Omwo vanakavangeya ngila ya Kaini. Co vanalyana vakevo vavenya ku lilaku-laku lya vimbongo, ngwe mwalingile Mbalame. Vanatengulukila ngwe mwatengulukilile Kola, co ngwe ikeye na vakevo lalo vanavanyongesa.