Kulava 22:12 - Livulu lya Shukulu Kalunga

¹² Njambi wendekele kuli Mbalame ngwendi, “Kesi uye amo na ava vanu, co kesi ukasinge vanu va Isalele, omwo njavavezikisa laja.”

Kulava 22:12 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

2 Mizimbu 31:10

co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

Myaso 144:15

Vanavezika vanu vaje vatambula vivezikiso evi, vanavezika vanu vaje Njambi yavo ikeye Shukulu Kalunga.

Myaso 146:5

Navezika munu uje ali na Njambi ya Yakomba ngeci amukwase, munu uje cinyangavili cendi cili muli Shukulu Kalunga Njambi yendi,

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Mika 6:5

Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”

Kulava 22:11

‘Vanu ava vanatundu ku Ingito vanashandokela mu lifuti mwoshe. Ashaka njikamusingilevo, ngeci avalwise nakuvasheka.’ ”

Kulava 22:13

Alikaki Mbalame waile kuli tunganda va Mwene Mbalake, wavalekele ngwendi, “Ilukeni kwimbo lyeni omwo Shukulu Kalunga nanjivyanesa kuya amo neni.”

Kulava 22:6

Vanatuhyana, yetu tunapu tuvavandondo, ngecivene, ija wakunjisingilevo. Amo twakuvafungulula nakuvasheka mu lifuti lyetu. Omwo njazivuka ngeci uje iwuvezikisa akavezika, co uje iwusinga akasingiwa.”

Kulava 23:23

Mwa vushunga vene kukwesi mikalo ili na seo kuli Yakomba, nambe manseno kuwasa kupanga kuli Isalele. Ololo vanu vakendeka ali Yakomba na Isalele ngwavo, ‘Kengeni vije vyanalingi Njambi ali vakevo!’

Kulava 23:3

Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela.

Kulava 23:8

Vatijo njasa kusinga vaje Njambi kavasingile? Vatijo njasa kukun̄ula vaje Shukulu Kalunga kavakun̄wile?

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

Mateo 27:19

Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

Kwituluka mu Mashiko 23:5

Nameme ngoco Shukulu Kalunga Njambi yeni katolililile kuli Mbalame, oloni watengulwile cisingo kucipwisa civezikiso, omwo Shukulu Kalunga Njambi yeni wamizemene.

Kwituluka mu Mashiko 28:6

“Shukulu Kalunga akamivezikisa mu vyoshe vimukalinga.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

Kwituluka mu Mashiko 7:14

Mukavezika kutuvakana vanu voshe. Kumukakala muumba mukati keni, nambe munalume, nambe munakazi, nambe vimuna veni embwe.