Kulava 21:7 - Livulu lya Shukulu Kalunga

⁷ Co vanu vezile kuli Mosesa vendekele ngwavo, “Tunalingi vuvi omo tunalinyenyetele nakutengulukila Shukulu Kalunga nove lalo. Ololo tulombelele kuli Shukulu Kalunga ngeci atundise ava manyoka.” Ngecivene, Mosesa walombelelele vanu.

Kulava 21:7 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

2 Vimyene 13:4

Asinoni Njehoahaze walombelele kuli Shukulu Kalunga, co Shukulu Kalunga, omwo wamwene vukalu vwa mwene wa ku Silya omo wakele nakuyandesa vaIsalele, co wakumbulwile lilombelo lyendi.

Yombi 42:10

Asinoni, omo Yombi walombelele vasamba vendi vatatu, co Shukulu Kalunga wamuwezelele nakumwingisilamo luvali ku vije vyakele navyo akulivanga.

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 78:34

Omo watsiileo vamo, co vaje vasaleleo velukile kuli ikeye, co vatengulukile nakulombela manene kuli ikeye.

Kutuuka 10:17

Co ololo njisambeseni ku vuvi vwange lalo, co lombeleni kuli Shukulu Kalunga Njambi yeni ngeci atundise cihiso ca kutsa eci kuli yange.”

Kutuuka 32:11

Oloni Mosesa walambelelele manene Shukulu Kalunga Njambi yendi wendekele ngwendi, “Ove Shukulu Kalunga, omwo vikajo unaluvalela manene ngeci na vanu vove, vaje wapatwile mu lifuti lya Ingito na livoko lyove lya nzili?

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

Kutuuka 8:28

Mwene wendekele ngwendi, “Njamitava muye nakukombelela vin̄ombelo kuli Shukulu Kalunga Njambi yeni mu mambo, oloni kesi muye kulyala. Nange njilombeleleniko.”

Kutuuka 8:4

Co mambotwe vakalonda ali yove, naa vanu vove, na ali vamyata vove voshe.’ ”

Kutuuka 8:8

Co mwene wasanene Mosesa na Alone wendekele navo ngwendi, “Lombeleni kuli Shukulu Kalunga ngeci atundise ava mambotwe, co njikecela vanu vendi vaye, ngeci vakevo vakase kukombelela vin̄ombelo kuli Shukulu Kalunga.”

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 37:3

Mwene Zendekiya watumine Njehukale muna Shelemiya na Zefaniya muka-kukombelela muna Maseya kunjihula ngeci njilombele kuli Shukulu Kalunga Njambi yetu kwimanena muyati wetu.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Kulava 11:2

Asinoni vanu va Isalele vatambekele kuli Mosesa ngeci avakwase, co Mosesa walombelele kuli Shukulu Kalunga, co tuhya twazimine.

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

Vilinga vya Miluwa 8:24

Co Simoni wendekele kuli Petulu na Yowano ngwendi, “Njilombeleleniko kuli Mwene ngeci vyuma evi vimunendeka kesi vilingiwe kuli yange.”

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

Kwituluka mu Mashiko 9:20

Co Shukulu Kalunga waluvalele lalo na Alone ngeci amutsiye, oloni njamulombelelele a simbu ije vene.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Samwele 15:24

Co Saulu wamukumbulwile ngwendi, “Eyo, njinalingi vuvi. Kunjononokele lishiko lya Shukulu Kalunga na majwi ove. Omwo njakele na lyova na vanu vange, co njalingile vije vivashakele.

1 Samwele 15:30

Saulu wamukumbulwile ngwendi, “Njinalingi vuvi. Oloni njisingimikeko lika ku mesho a vantwama vange na kuli Isalele yoshe. Iluka amo nange ngeci njikalemese Shukulu Kalunga Njambi yove.”