Kulava 21:6 - Livulu lya Shukulu Kalunga

⁶ Ngecivene, Shukulu Kalunga watumine manyoka va vushungu vwavuvi akati ka vanu, co vaIsalele vavangi vashumuwile na kutsa.

Kulava 21:6 Iomraidhean Croise

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 30:6

Eli likelyo lijwi lya Njambi a tusitu va mu mambo ya mu mbwela ngwendi, “Vaka-kwimanena va lifuti vaketi mukati ka lifuti lya vushonde, muje mwakala vindumba, na manyoka va vushungu, na vyanza-ngombe vakupulula. Vakambata vwana vwa seo yakama a vimulu vavo na a tumelo kutwala ku muyati uje kuwasa kuvakwasa.

Njelemiya 8:17

Shukulu Kalunga alinakwendeka ngwendi, “Nyanyameni njikatuma manyoka akati keni, manyoka va vushungu vwavuvi vakamishuma, oloni naumo wai akasa kuvavindika.”

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

1 Kolinte 10:9

Kutwapandele kweseka Mwene, ngwe muvalingile vamo vavo, co vatsile ku manyoka.

Kwituluka mu Mashiko 8:15

Ikeye wamitwamenenene mu mambo yakama yakujujwisa muje mwakele manyoka va vushungu vwavuvi na manyewe, mu lifuti muje mwakuma mwakujeneka mema. Nameme ngoco, ikeye wamituwisilile mema ku limanya lyakukola.