Kulava 21:34 - Livulu lya Shukulu Kalunga

³⁴ Oloni Shukulu Kalunga wendekele kuli Mosesa ngwendi, “Kesi umuzivile lyova embwe. Njikakwana nzili yakumufungulula, na vanu vendi voshe, na lifuti lyendi. Co ukalinga kuli ikeye ngwe muje walingile kuli Sihone, mwene wa vaAmoli, uje washwanene mu Heshevone.”

Kulava 21:34 Iomraidhean Croise

2 Samwele 5:19

Co Ndaviti wehwile kuli Shukulu Kalunga ngwendi, “Njikalwise vaFilisitiya ndi? Ukanjihyanesa ndi?” Shukulu Kalunga wamukumbulwile ngwendi, “Eyo, ya ukalwe navo! Njikakuhyanesa!”

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

1 Vimyene 20:28

Muka-kwimanena waile kuli Mwene Ahave wamulekele ngwendi, “Eci cikeco canendeka Shukulu Kalunga ngwendi, ‘Omwo vaSilya vanendeka ngwavo yange nji njambi wa malundu kesi wa mu vyana, co yange njikakuhyanesa a vungi vwa mashwalale vavo, co yove na vanu vove mukazivuka ngeci yange njapwa Kalunga.’ ”

2 Vimyene 3:18

Co Elisha wendekele ngwendi, “Eci cinapu cuma cacasi kuli Shukulu Kalunga kucilinga, co ikeye akamihyanesa kuli vaMowavi.

Isaya 41:13

Yange Kalunga Njambi yeni, njikamikolesa nakumileka ngwange, ‘Kesi muzive lyova, njikamikwasa.’ ”

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Kulava 32:4

vili mu lifuti lije lyanakwasa Shukulu Kalunga vaIsalele ngeci vakalemo. Linapu lifuti lyalivwa kulilamo vimuna, co vangamba vove vakala na vimuna vavangi.

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Kwituluka mu Mashiko 20:3

‘Tolilileni yeni vaIsalele! Ku litangwa lya lelo mulinakuya ku nzita. Kesi muzive lyova lya vitozi veni, nambe mulijujukile mu vimbunge vyeni, nambe kuvupuka,

Kwituluka mu Mashiko 3:1

“Asinoni twaile ku kunto mu ngila yakuya ku Mbashane, co Mwene Onge wezile na vanu vendi voshe nakulwa netu kuyehi na nganda ya Endelei.

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

Kwituluka mu Mashiko 7:17

“Amo mukalishoshomwena mu vimbunge vyeni nakwendeka ngweni, ‘Miyati eyi inatumu manene, co twasa kuvasheka vatijo?’

Kwituluka mu Mashiko 7:18

Kesi mukavazivile lyova. Mukanuka vije vyalingile Shukulu Kalunga Njambi yeni kuli mwene wa Ingito, na kuli vanu vendi voshe.

Kwituluka mu Mashiko 7:21

Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa.

Kwituluka mu Mashiko 7:24

Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe.

Yoshwa 10:25

Co Yoshwa wendekele kuli vamyata vendi ngwendi, “Kesi muzive lyova nambe kujujuka embwe. Koleseni nakusimpa omwo eci cikeco cakalinga Shukulu Kalunga kuli vitozi veni voshe vaje vamukalwa navo.”

Yoshwa 10:8

Co Shukulu Kalunga wendekele kuli Yoshwa ngwendi, “Kesi uvazivile lyova embwe omwo njinavakundika laja ku mavoko ove. Naumo wai wa ali vakevo akasa kwimana nove nakukulwisa.”

Yoshwa 8:7

Asinoni yeni mukajomboloka kuje munavandele, co mukafungulula nganda, omwo Shukulu Kalunga Njambi yeni akaikundika ku mavoko eni.

Maako 11:30

Co Njefeta wakulaesele Shukulu Kalunga ngwendi, “Nga yove ukakundika vaAmoni ku mavoko ange,

1 Samwele 23:4

Ngecivene, Ndaviti wehwile lalo Shukulu Kalunga. Co Shukulu Kalunga wamulekele ngwendi, “Katuka, ya ukalwise Keila, omwo njikakundika vaFilisitiya mu livoko lyove.”