Kulava 21:33 - Livulu lya Shukulu Kalunga

³³ Asinoni vaIsalele, vaile mu ngila ya ku Mbashane, co Onge mwene wa ku Mbashane wakatukile na mashwalale vendi nakuvalwisa ku Endele.

Kulava 21:33 Iomraidhean Croise

Myaso 135:11

Sihone, mwene wa vaAmoli, na Onge, mwene wa ku Mbashane, na vimyene voshe va mu Kanana.

Myaso 136:20

Na Onge mwene wa ku Mbashane, omwo cizemo cendi cije kucesi kutenguluka cakala ku myaka yoshe.

Myaso 22:12

Vitozi vavangi vananjizengeleka ngwe vingombe va nkomba, voshe vananjaka mukati, ngwe vingombe va nkomba va vukalu va ku lifuti lya Mbashane.

Myaso 68:15

Munkinda wa Mbashane ukewo munkinda wakama, wapwa munkinda waulaja.

Myaso 68:22

Shukulu Kalunga nendeka ngwendi, “Njikatundisa vitozi veni ku Mbashane, co njikavatundisa lalo ku nzinga ya mema a kalunga,

Isaya 33:9

Lifuti lyasala ngoco mupulungwa. Shwata ya Lembanone yajujwama, na Cana ca Shalone ca vwilo cinalifu ngwe mambo, shwata ya Mbashane na Munkinda wa Kalemele maputa alinakutotomoka ku miti.

Ezekiyele 27:6

Vashongele vilapo vyove na viti vya oke vya ku Mbashane, vapangele vishelo vya vwato vwove na viti vya tulipi vya ku Sepulasi.

Ezekiyele 39:18

Vakalya situ ya mashwalale nakunwa maninga a vaka-kushwana va ano asi, voshe vakavatsiya ngwe majamba a vimanga, nambe ngwe vana va vimanga, nambe ngwe vimembe, nambe ngwe vingombe vakununa.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Kulava 32:33

Ngecivene, Mosesa wapangelele vanu va Ngande, na vanu va Luvena, na litambelo limo lya muyati wa Manase lifuti lyoshe lya Mwene Sihone wa vaAmoli, na lifuti lya Mwene Onge wa ku Mbashane, amo na membo na mitambela yoshe yazengelekele membo aje.

Kwituluka mu Mashiko 1:4

Eci calingiwile omo Shukulu Kalunga nafungulula laja Mwene Sihone wa vaAmoli, uje washwanene mu nganda ya Heshevone, na Mwene Onge wa Mbashane, uje washwanene mu vinganda vya Ashetalote, na Endele.

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Kwituluka mu Mashiko 29:7

Co omo yetu twetele ku mwela umo, Mwene Sihone wa ku Heshevone, na Mwene Onge wa ku Mbashane vezile nakutulwisa, oloni twavafungulwile.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 4:47

Co vafungulwile lifuti lya Sihone amo na lifuti lya Mwene Onge wa ku Mbashane, vimyene vaje vavali va vaAmoli vakele mu ngangela ya Yondau.

Yoshwa 12:4

Co vaIsalele vafungulwile lalo Mwene Onge wa ku Mbashane, uje wasaleleo ku muyati wa vaLefaime. Ikeye washwanene ku Ashetalote na Endeleyi.

Yoshwa 13:12

Kukumbasanako na vumwene vwoshe vwa Onge mu Mbashane, uje washwanene ku Ashetalote, na Endeleyi. Ikeye wapwile wakumanesela ku muyati wa vaLefaime. Mosesa wafungulwile vaje vanu, co wavashekele.

Yoshwa 13:30

Mutambela wavo washangumukilile ku Mahanaime kukumbasanako Mbashane, lifuti lyoshe lya Onge mwene wa ku Mbashane, amo na membo oshe aje makumi atanu na limo a ku Njaile mu Mbashane.

Yoshwa 9:10

na vyoshe vije vyalingile kuli vimyene vavali va vaAmoli vaje vakele mu ngangela ya Yondau, Mwene Sihone wa ku Heshevone, na Mwene Onge wa ku Mbashane, uje wakele mu Ashetalote.