Kulava 20:8 - Livulu lya Shukulu Kalunga

⁸ “Ambata mulamu uje uli kulutwe lwa Cikasa ca Cikumiiyo, co yove na ndolome yove Alone kungululeni mbunga yoshe ya vanu va Isalele. Endekeni ku limanya lije lili kuje ku mesho avo, ngeci mema atunde mu limanya lije. Mu ngila eyi ukatuwisa mema mu limanya akunwa vanu na vimuna vavo.”

Kulava 20:8 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

Nehemiya 9:15

“Omo vakele na njala, wavanene makende akutunda mwilu, na mema akutunda mu limanya omo vakele na lihwila. Wavalekele kutambula lifuti, lije wavakulaesele kuvanalyo.

Myaso 105:41

Njambi washokolwele limanya, co mema atuukile manene, ajalelele mu mambo ngwe ndonga.

Myaso 114:8

Njambi uje asa kutengulula mamanya kupwa mashali a mema, nakutengulula litale kupwa masima a mema a tuvwelu-vwelu.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Kutuuka 14:16

Jundula mulamu wove, co wolwele akamwa ya mema a kalunga, co mema akalyangunuka, vaIsalele vakasa kwenda a livu lyakuma.

Kutuuka 17:9

Co Mosesa wendekele kuli Yoshwa ngwendi, “Angula vanalume vamo ngeci imene vaye nakulwa na vaAmaleke. Co yange njikemana a lilundu nakukwatelela mulamu uje wanjilekele Njambi kuwambata.”

Kutuuka 4:17

Oloni ambata ou mulamu mu livoko lyove, ngeci ukalinge nawo vikomokeso.”

Kutuuka 4:2

Ngecivene, Shukulu Kalunga wamwihwile ngwendi, “Vikajo ovyo unakwata mu livoko lyove?” Co wamukumbulwile ngwendi, “Njinakwata mulamu.”

Kutuuka 4:20

Ngecivene, Mosesa waile na munakazi wendi na vana vendi va vanalume, wavaakele a cimulu, co welukile ku Ingito. Mosesa wambatele mulamu mu livoko lyendi uje wamulekele Njambi kuyanawo.

Kutuuka 7:20

Asinoni Mosesa na Alone valingile ngwe muje mwavashikile Shukulu Kalunga ku mesho a mwene na vamyata vendi. Alone wajundwile mulamu wendi nakupupa akamwa ya ndonga, co mema amwo oshe emukile maninga.

Isaya 43:20

Nameme tusitu vakanjisingimika, vimbanje na vankumbwa vakanjishangazala, njiketisa vindonga vya mema mu mambo, kwana mema ku vanu vange vaje vanjalyangwilile.

Isaya 48:21

Omo Shukulu Kalunga watwamenenene vanu vendi mu mambo mwakushaluka mwakuma cau, kuvakele na lihwila. Ikeye wavatuwisilile mema mu limanya. Watavwile limanya mukati, co mema atuukile.

Kulava 20:11

Co Mosesa wajundwile uje mulamu nakupupa aje a limanya visimbu vivali, co kwatuukile muta wa mema, co vanu voshe, na vimuna vavo vanwile.

Kulava 20:7

Shukulu Kalunga wendekele kuli Mosesa ngwendi,

Kulava 21:15

na vushelumukilo vwa cana cije citwala ku nganda ya Ale nakweta ku nginga ya Mowavi.”

Kulava 21:18

Lisima lije vendile vana va vimyene va vanalume amo na vantwama va vanu, aje vendile na mulamu wa vumwene amo na milamu yavo.” Vatundile mu mambo nakweta ku Matane.

Mateo 21:21

Co Yesu wavakumbulwile ngwendi, “Mwa vushunga njimileka ngwange, nga mukulaela nakujeneka vimata, mukasa kulinga evi vinjinalingi ku muti ou wa mukuyu. Co kesi evi lika embwe, oloni mukasa nameme kwendeka ku lilundu eli ngweni, ‘Katuka ulyumbile mu mema a kalunga,’ co likalyumbila vene.

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Yowano 16:24

Tunde aje nakweta ku lelo kanda mulombe cuma cimo mu lizina lyange, lombeni, co mukatambula, ngeci kuvwaelela kweni kukapwemo.

Vilinga vya Miluwa 1:14

Valikungulwilile amo na cizango cimo mukulombela, amo na vanakazi na Maliya vaina ya Yesu na vishongo vendi.

Yoshwa 6:20

Ngecivene, vaka-kukombelela vembile malupembo, co vanu vatambekelele. Vwasi-vwasi omo vanu vazivile kwoya kwa malupembo, co vatambekelele manene, ngeci civumbe calundumukile. Co lishwalale na lishwalale woshe wakovelele mu nganda aje ashungamene nakuyifungulula.

Yoshwa 6:5

Asinoni vaka-kukombelela vakaimbe lupembo simbu yakama, co omo mukaziva kwoya kwa lupembo olu, co vanalume voshe vakatambeke manene mutambi wa nzita, co civumbe ca nganda cikalundumuka. Co lishwalale na lishwalale akakovelele mu nganda aje anashungama.”

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.