Kulava 20:6 - Livulu lya Shukulu Kalunga

⁶ Asinoni Mosesa na Alone vatundile ku mbunga ya vanu, vaile ku cikolo ca Mbalaka Mwakuliwanena. Valyumbilile asi, co vumpau vwa Shukulu Kalunga vwavasholokelele.

Kulava 20:6 Iomraidhean Croise

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Kutuuka 16:10

Co omo Alone walekele mbunga yoshe ya Isalele, cooni, omo vakengele mu mambo, vamwene vumpau vwakuvyazima kwa Shukulu Kalunga vwasholokele mu lishelwa.

Kutuuka 17:4

Co Mosesa watambekele nakulombela kuli Shukulu Kalunga wendekele ngwendi, “Vatijo njilinga na vanu ava? Vakevo vanesi kunjasha mamanya.”

Kulava 12:5

Asinoni Shukulu Kalunga washelumukilile mu manda ya lishelwa, wemanene ku cikolo ca Mbalaka, wasanene Alone na Milyamu. Co voshe vavali vaile kulutwe.

Kulava 14:10

Oloni mbunga yoshe vendekele ngwavo, “Tuvasheni mamanya!” Oloni omo vakasumukile, kengeni, kuvyazima kwa vumpau vwa Shukulu Kalunga kwasholokelele vanu voshe va Isalele ku Mbalaka Mwakuliwanena.

Kulava 14:5

Asinoni Mosesa na Alone vakulamene asi ku mesho a mbunga yoshe ya vanu va Isalele vaje vakungulukilile kuje.

Kulava 16:19

Asinoni Kola wakungulwile mbunga yoshe, nakuvyana Mosesa na Alone kuje ku cikolo ca Mbalaka Mwakuliwanena. Co vwasi-vwasi vumpau vwa Shukulu Kalunga vwasholokele ku mbunga yoshe,

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Kulava 16:4

Omo Mosesa wavizivile, walyumbilile asi, co walombelele.

Kulava 16:42

Co omo mbunga vakungulukile nakulwisa Mosesa na Alone, vakengele kulutwe ku Mbalaka Mwakuliwanena, co lishelwa lyaifwikile, na vumpau vwa nzili ya Shukulu Kalunga vwasholokele.

Kulava 16:45

“Lyangunukeni na mbunga ya vanu ava ngeci njivanyongese ano vene!” Co muvuvali vwavo valyumbilile asi,

Kulava 20:7

Shukulu Kalunga wendekele kuli Mosesa ngwendi,

Mateo 26:39

Co washwenyeleko kulutwe kamandondo, wavulumanene, co walombelele ngwendi, “Tate, nga citava, nganja eyi ya kayando itunde kuli yange! Kesi ngwe mwaya cizango cange embwe, oloni cizango cove cilingiwe.”

Yoshwa 7:6

Ngecivene, Yoshwa na vantwama va Isalele vatavwile vuzalo vwavo mukuviilila, co valyumbilile asi kulutwe lwa Cikasa ca Cikumiiyo ca Shukulu Kalunga. Valishuwilile lito ku mitwe yavo kumwesa vusiwa vwavo, co vakele kuje noo cingwezi.