Kulava 2:18 - Livulu lya Shukulu Kalunga

¹⁸ “Muyati wa Efalime vakashimbike vimbalaka vyavo ku mutambela wa kangombe ka yambi mwisi ya pandelo ya mbunga yavo. Ntwama ya vanu va Efalime ikeye Elishama muna Amihunde.

Kulava 2:18 Iomraidhean Croise

Kushangumuka 48:5

Yakomba wendekele lalo ngwendi, “Yosefa, vana vove vavali, ava vawakitilile muno mu Ingito omo yange kanda njicete kuno, vanapu vange. Efalime na Manase vunene vanapu vana vange ngwe Luvena na Simyoni.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Kulava 1:10

Ku vana va Yosefa, muyati wa Efalime muka-kukwasa wapwile Elishama muna Amihunde, ku muyati wa Manase muka-kukwasa wapwile Ngamalyele muna Pendazule.

Kulava 1:32

Vana va Yosefa va vanalume, ku cikota ca Efalime, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.

Kulava 10:22

Kutundoo, vaje vakele mwisi ya pandelo ya vuntwama vwa muyati wa Efalime vakatukile nakuya mu mbunga yavo, co Elishama muna Amihunde wapwile ntwama.

Kulava 2:19

Vungi vwa vanu vendi vapwile 40,500.

Kulava 7:48

Ntwama uje walambwile mulambu wendi a litangwa lyamucitanu na avali wapwile Elishama muna Amihunde wa ku muyati wa Efalime.

Kulava 7:53

Co walambwile vingombe va nkomba vavali, na majamba a vimanga vatanu, na majamba a vimembe vatanu, na vana va vimanga vatanu va mwaka umo kupwa mulambu wa kulitombola. Ou ukewo wapwile mulambu wa Elishama muna Amihunde.

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”