Kulava 19:19 - Livulu lya Shukulu Kalunga

¹⁹ Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.

Kulava 19:19 Iomraidhean Croise

Kushangumuka 2:2

Co a litangwa lyamucitanu na avali Njambi wamanesele vyoshe vije vyatangele, co wahwimine.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

VaLevi 14:7

Co akashamwine aje maninga visimbu vitanu na vivali ali uje munu ivanajelesa ku mushongo wendi wa a cikonde wakulitambwisa, asinoni akamutumbule ngwendi najele. Co ikeye akecela uje kazila wa mwonyo ngeci aliile mwoshe-imwoshe.

VaLevi 14:9

Co a litangwa lyamucitanu na avali akateule lalo ku mutwe wendi, na munjezi wendi, na vikuku vyendi, na maka oshe aa muvila wendi aje asaleleo. Akakushe vuzalo vwendi, co ajwele. Asinoni akapwa wakujela.

Kulava 19:12

Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe.

Kulava 19:13

Woshe uje akwata a civimbi, co kalijelesa ajwalesa Mbalaka ya Shukulu Kalunga, omwo mema akujelesa kuvamwitazelelewo. Co munu wangacije kuvakamulava lalo kupwa munu wa Njambi.

Kulava 19:18

Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo.

Kulava 31:19

Oloni yeni voshe munatsii vanu, nambe vaje vanakwata a civimbi, munapande kukala anja ya cilombo matangwa atanu na avali. Co lijeleseni a litangwa lyamucitatu, na a litangwa lyamucitanu na avali amolika na vaje vinzinda munakafungulwile.

Kulava 31:24

A litangwa lyamucitanu na avali munapande kukusha vuzalo vweni, co mukajela, asinoni mukakovela mu cilombo.”

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.