Kulava 18:9 - Livulu lya Shukulu Kalunga

⁹ Ku vin̄ombelo vyakujela manene, vije kesi vyakwenyekela a mutula, vyoshe evi vyakundama kuli yeni, ngeci mwa n̄ombelo ya vimbuto, na n̄ombelo ya a vuvi, na n̄ombelo yakuliilwisila. Vyuma vyoshe vije vivakundika kuli yange kupwa vyakujela manene, vinapu vyove na vana vove.

Kulava 18:9 Iomraidhean Croise

2 Vimyene 12:17

A simbu ije Mwene Hazayele wa ku Silya walwisile nganda ya Ngate nakuyifungulula, asinoni wayongwele kukalwisa Yelusalema.

Nehemiya 10:36

Mwana wa munalume wa ntwatwa uje nasemuka kuli yetu, tukamutwala kuli vaka-kukombelela ku Njuvo ya Shukulu Kalunga, nakumukundika kuli Njambi ngwe ku Mashiko. Co lalo tukakundika muna ngombe wakulivanga kusemuka ku vingombe vetu va lwavo, na muna manga wakulivanga, nambe muna membe wakulivanga kusemuka ku vimanga vetu, nambe ku vimembe vetu.

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

Ezekiyele 44:29

Milambu ya vimbuto vya vinona, na milambu ya a vuvi, na milambu yakuliilwisila vikapwa vyakulya vya vaka-kukombelela, co vakatambula vyuma vyoshe mu Isalele vije vivanakundika vyoshe kuli yange.

VaLevi 10:17

“Omwo vikajo kumwalililile n̄ombelo ya a vuvi mu mwela wakujela? Eyi n̄ombelo inapu yakujela manene, Shukulu Kalunga namyanayo mukwambata vuvi vwa mbunga ya vanu mukuvaambesa.

VaLevi 14:13

Co akatsiile uje muna manga ku mutambela wakujela kuje vakatsiila vimuna va vin̄ombelo vya a vuvi, na vin̄ombelo vya kwenyeka, napande kulinga eci omwo n̄ombelo ya kuliilwisila inalifu na n̄ombelo ya a vuvi, evi vyapwa vya muka-kukombelela. Vyapwa vyakujela.

VaLevi 2:10

Co vije vikasalao ku mulambu ou vikapwa vya vaka-kukombelela, vikapwa vyakujela, omwo vanavitundisa ku vyakulya vije vanakombelela kuli Shukulu Kalunga.

VaLevi 22:11

Oloni vindungo va muka-kukombelela vaje valandele na vimbongo vyendi, nambe vakusemukila ku njuvo yendi, vanasa kulya ku vyakulya vije vyali nakutambula muka-kukombelela.

VaLevi 22:7

Co omo litangwa linatoko, akapwa wakujela. Asinoni akasa kulya ku vin̄ombelo vyakujela, omwo vikevyo vinapu vyakulya vyendi.

VaLevi 4:22

“Nga ikeye napu ntwama alinga vuvi oloni kayongwele kuvulinga, co apokola lishiko limo lya mashiko a Shukulu Kalunga,

VaLevi 4:27

“Nga ikeye napu umo wa vanu nkala, uje alinga vuvi, oloni kayongwele kuvulinga, apokola lishiko limo lya mashiko a Shukulu Kalunga,

VaLevi 5:1

“Nga munu vamusana ku mbanja ngeci akaane vukaleo vwa vije namono nambe nazivi, co ajeneka kuvyambulula, ngongo yendi vavenya.

VaLevi 5:6

napande kunena mulambu wa mulonga wendi kuli Shukulu Kalunga, manga nambe membe wa lwavo ngeci upwe mulambu wa a vuvi. Co muka-kukombelela akamwambesa ku vuvi vwendi.

VaLevi 6:17

Shukulu Kalunga navanavyo kupwa mutambela wavo wa milambu ya vyakulya. Unapu wakujela manene, ngwe milambu ya a vuvi, na milambu ya kuliilwisila.

VaLevi 6:19

Co Shukulu Kalunga wendekele kuli Mosesa ngwendi,

VaLevi 6:30

Oloni nga vanatwala maninga amo a mulambu wa a vuvi mu Mbalaka Mwakuliwanena mukwambesa vuvi, co uje cimuna kuvapandele kumulya, vanapande kumwenyeka.”

VaLevi 7:1

Eli likelyo lishiko lya milambu ya kuliilwisila, inapu yakujela manene.

VaLevi 7:6

Co munalume woshe wa naanga ya vaka-kukombelela asa kuulya, oloni vanapande kuulila mu mutambela wakujela, omwo ukewo unapu wakujela manene.

VaLevi 7:7

Kuli lishiko limo lilinakupanga kwoshe kuvali, ku mulambu wa a vuvi, na ku mulambu wa kuliilwisila, situ inapu ya uje muka-kukombelela uje alinakulambula mulambu wa kwambesa.

Kulava 18:10

Munapande kulila vyuma vyoshe evi mu mutambela umo wakujela, oloni vanalume lika vakevo vakavilya, munapande kuviyongola ngeci vyapwa vyakujela.

Kwituluka mu Mashiko 18:1

“Muyati wa vaka-kukombelela vaje va ku naanga ya Levi kuvakakala na mutambela nambe vushwana mu lifuti lya vaIsalele. Vakevo vakayoyela lika a vin̄ombelo na milambu vije vakanene vanu kuli Shukulu Kalunga.