Kulava 18:5 - Livulu lya Shukulu Kalunga

⁵ Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

Kulava 18:5 Iomraidhean Croise

1 Mizimbu 23:24

Ava vakevo vatekulwila va Levi, ku vikota na mu naanga yavo, munu na munu walisonekesele lizina. Co munu na munu na vatekulwila vendi, kutunda ku myaka makumi avali nambe kutuvakana, vapangele vipangi vya mu Njuvo ya Shukulu Kalunga.

1 Mizimbu 23:32

Co vaLevi lalo vavaanene moko yakunyunga Mbalaka Mwakuliwanena na Njuvo ya Shukulu Kalunga, nakukwasa vavushoko vwavo vaka-kukombelela vakutunda kuli Alone, mu Njuvo ya Shukulu Kalunga a simbu yakulemesa.

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

1 Mizimbu 9:19

Shalume muna Kola mutekulu wa Eviyasafe, amolika na vavushoko vwendi va ku cikota ca Kola, vakevo vakele na moko yakunyunga ku vukovelelo vwa ku Mbalaka Mwakuliwanena, ngwe muvalingile vakukulwila vavo, omo vakele nakushika mu cilombo ca Shukulu Kalunga.

1 Mizimbu 9:23

Co vakevo na vatekulwila vavo vatwaleleleo kunyunga ku vikolo vya ku Njuvo ya Shukulu Kalunga.

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

Kutuuka 27:21

Alone na vana vendi vakevo vakaka vindeya mu Mbalaka anja ya livamba lije lili kulutwe lwa Cikasa ca Cikumiiyo. Co vikashukuma ku mesho ange kutunda ku cingwezi nakweta ku mutondo. Co vaIsalele na vatekulwila vavo vakanyunge kushika oku.

Njelemiya 23:15

“Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

VaLevi 24:3

Anja ya livamba, lije lili kulutwe lwa Cikasa ca Cikumiiyo, cije cili mu Mwela Wakujela Manene, Alone akashwameke vindeya ku cingwezi na cingwezi, ngeci vishukume ku mesho a Shukulu Kalunga simbu yoshe noo mutondo. Lishiko eli mukalinyunge ku visemwa vyeni vyoshe vya kulutwe.

Zakaliya 10:3

Shukulu Kalunga alinakwendeka ngwendi, “Njinaluvala na vaka-kwija vaje valinakushwana vanu vange, co njikavanyanyamesa. Vanu va mu Yunda vanapu vange, co yange Kalunga Muka-nzili yoshe, njikavanyunga. Vakapwa ngwe tuvalu vange va nzili va nzita.

Kulava 1:50

Oloni vaLevi vapwe vaka-kunyunga lika ku Mbalaka Mwakuliwanena na vivala vyamwo vyoshe. Vakevo vakayambata na vivala vyayo, nakuyinyunga, co vakashimbike vimbalaka vyavo kuzengeleka Mbalaka Mwakuliwanena.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Kulava 18:4

Co vapange amo nove nakunyunga Mbalaka Mwakuliwanena nakupanga vipangi vyoshe vya mu Mbalaka, oloni munu weka naumo wai akashwenya kuyehi neni.

Kulava 4:18

“Kesi mukatave vaka-cikota ca Kohate ngeci vanyonge akati ka vaLevi

Kulava 8:19

Ngecivene, njinaana vaLevi kuli Alone na vana vendi kupwa vwana, akati ka vanu va Isalele nakupanga vipangi mu Mbalaka Mwakuliwanena na mukwambesa vanu va Isalele ngeci kesi kukale mushongo wakulitambwisa akati kavo, omo vanu vashwenya kuyehi na Mwela Wakujela.”

Kulava 8:2

“Leka Alone ngwove, omo ushwameka vindeya vije vitanu na vivali, vinapande kutwila ceke kulutwe lwa citumbikilo ca vindeya.”

1 Timateo 1:18

Timateo munange, njikukundika ku lishiko eli, likelyo linapu ngwe majwi a vuka-kwimanena vendekele laja ali yove. Pangesa majwi awa ngwe vitwa vya nzita ngeci ulwe mwamuvwa,

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”