Kulava 18:32 - Livulu lya Shukulu Kalunga

³² Co kumukakala na mulonga lalo omo yeni mukavilya, omwo yeni munaana laja vyavivwa kuli Shukulu Kalunga. Oloni kesi mukaviise mulambu wakujela manene wa vanu va Isalele akulya vimo vya ku mulambu uje omwo kanda mucane mutambela wauvwa kuli Shukulu Kalunga kutewa mukatsa.’ ”

Kulava 18:32 Iomraidhean Croise

Kutuuka 28:43

Alone na vana vendi vanapande kuzala otu tuputula simbu yoshe omo vakovela mu Mbalaka Mwakuliwanena, nambe omo vashwenya kuyehi na mutula mu vipangi vyakukombelela mu Mwela Wakujela, ngeci kesi vakale mushelengwa, kutewa vatsa. Awa akewo mashiko a myaka yoshe kuli Alone na vatekulwila vendi.

VaLevi 19:8

Munu woshe-iwoshe uje akayilya akakala na mulonga wakupangesa ngoco vije vanakundikile kuli yange, co kuvakamulava lalo kupwa munu wange embwe.

VaLevi 22:2

“Leka Alone na vana vendi va vanalume ngwove, kumwapandele kushawisa lizina lyange lyakujela, ngecivene, pangeseni na kasingimiko vin̄ombelo vyakujela evi valinakukundika vanu va Isalele kuli yange. Yange njapwa Kalunga.

Malakiya 1:7

Mulambula vyakulya vyavivi a mutula wange. Oloni yeni mwihula ngweni, ‘Twauviisa vatijo?’ Omwo mulinakwendeka ngweni, ‘Mutula wa Shukulu Kalunga wangoco.’

Kulava 18:22

Kutunda ano vanu va Isalele kesi vakashwenye ku Mbalaka Mwakuliwanena kutewa valikokela vuvi vwa kutsa.

Kulava 18:31

Yeni na naanga yeni mukalila a mutambela woshe-iwoshe wa vije vinasalao, omwo eyi inapu fweto yeni yakupanga mu Mbalaka Mwakuliwanena.

Kulava 19:1

Shukulu Kalunga wendekele kuli Mosesa na Alone ngwendi,

1 Kolinte 11:27

Woshe alya likende eli nambe kunwa ku nganja eyi na cilika cacivi, ikeye ali na mulonga wakulinga vuvi ku muvila na maninga a Mwene.

1 Kolinte 11:29

Omwo nga kuwanangukile muunalumbunukila muvila wa Mwene omo ulya likende nakunwa nganja, ulinakulihisa yove vavenya omo ulya nakunwa.