Kulava 18:3 - Livulu lya Shukulu Kalunga

³ Vakevo vanapande kumipangela yeni nakupanga vipangi vyavo vya mu Mbalaka, oloni kuvapandele kushwenya kuyehi na vyuma vyakujela vije vili mu Mwela Wakujela nambe ku mutula. Nga valingamo, co na vakevo neni muvavoshe mukatsa.

Kulava 18:3 Iomraidhean Croise

Ezekiyele 44:13

Kuvasa kunjipangela kupwa vaka-kukombelela embwe, nambe kuya kuyehi na cuma cimo cije cakujela kuli yange, nambe kukovela mu Mwela Wakujela Manene. Oku kukekwo kunyanyamesa kwavo omwo vyuma vya vunyengwe vije vivanalingi.

Kulava 1:51

Kwoshe kuje kumukajalwisila cilombo ceni, vaLevi vakevo vakasiwula Mbalaka, co vakaishimbika lalo ku cilombo na cilombo ceka caciha mu mwela wayo. Nga munu weka akashwenya kuyehi na Mbalaka vakamutsiye.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 18:4

Co vapange amo nove nakunyunga Mbalaka Mwakuliwanena nakupanga vipangi vyoshe vya mu Mbalaka, oloni munu weka naumo wai akashwenya kuyehi neni.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kulava 3:25

VaNgeleshone vakele na moko yakunyunga Mbalaka Mwakuliwanena, na cifwiko cayo ca mukati, na cifwiko cayo ca anja, na livamba lya ku cikolo,

Kulava 3:31

Co vakele na moko yakunyunga Cikasa ca Cikumiiyo, na mesa, na citumbikilo ca vindeya, na mitula, na vije vakele nakupangesa vaka-kukombelela mu Mwela Wakujela, na livamba lya ku cikolo ca mu Mwela Wakujela Manene. Vakevo vakele na moko ya vyakupangesa vyoshe vije vyakundamene ku vivala evi.

Kulava 3:36

Vakevo vakele na moko yakunyunga vivuliko vya Mbalaka na mikambo yayo, na vimanda na vitumbikilo, na vyoshe vyakukutisa. Vakevo vakele na moko ya vyakupangesa vyoshe vyakundamene ku vivala evi.

Kulava 31:30

Co ku litambelo lyasala kuli vije munaana kuli vanu va Isalele, ku makumi atanu ambateniko cinzinda umo, na ku vingombe, na ku vimulu, na ku vimanga, na ku vimembe. Co vyaneni kuli vaLevi vaje vaka-kunyunga Mbalaka ya Shukulu Kalunga.”

Kulava 4:15

Omo simbu yeta yakujaluka mu cilombo, co Alone na vana vendi vakafwike vivala vyoshe vyakujela vya mu Mbalaka. Asinoni vaka-cikota ca Kohate vakaija nakuvyambata, oloni kesi vakakwate ku vivala vyakujela kutewa vakatsa. Evi vikevyo vitele vivakambata vaka-cikota ca Kohate vya mu Mbalaka Mwakuliwanena.