Kulava 18:20 - Livulu lya Shukulu Kalunga

²⁰ Co Shukulu Kalunga wendekele kuli Alone ngwendi, “Kumukakala na vushwana mu lifuti lyavo, nambe kumukakala na mutambela umo akati kavo, omwo yange njinapu mutambela weni na vushwana vweni akati ka vanu va Isalele kumukajeneka navimo vyai.”

Kulava 18:20 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Myaso 142:5

Njitambeka kuli yove Shukulu Kalunga. Njambi ikeye vutewelo vwetu na nzili yetu, wakala muyehi-yehi netu.

Myaso 16:5

Yove Shukulu Kalunga, yove lika wapwa wange, unjana vyoshe vinjajena, kuyoya kwange kwoshe kuli mu mavoko ove.

Myaso 73:26

Muvila wange na mbunge yange vyasa kuzeya, oloni Njambi wapwa nzili yange, ikeye lika injishaka!

Mbimbi 3:24

Shukulu Kalunga lika ikeye njishaka, muli ikeye njinaka cinyangavili cange.

Ezekiyele 44:28

“Vaka-kukombelela vali na vuka-kukombelela kupwa mutambela wa vukwasi vwavo vuje vunjinana kuli Isalele kutunda ku cisemwa cimo nakweta ku cisemwa cikwavo. Kuvapandele kukala na vufuko mu Isalele, yange njikavana vyoshe vivashaka.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Kulava 26:62

Co vanalume vakukola va vaLevi amo na vimbututu va vanalume vaje vakele na ngonde imo nambe kutuvakana, vungi vwavo vapwile 23,000. Vakevo kuvavalavelele kumo na vaIsalele vakwavo omwo vakevo kuvatambwile vushwana mukati ka vaIsalele.

Kwituluka mu Mashiko 10:9

Omu mukemwo muyati wa Levi kuvesi na mutambela nambe vushwana akati ka vandolome vavo. Shukulu Kalunga ikeye vushwana vwavo ngwe muje mwavalekele Shukulu Kalunga Njambi yeni.)

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 14:27

“Kesi mukevale vaLevi vaje valinakukala mu vinganda vyeni, omwo vakevo kuvesi na mutambela nambe vushwana akati keni.

Kwituluka mu Mashiko 14:29

Vyakulya evi vinapu vya vaLevi, omwo vakevo kuvesi na mutambela nambe vushwana akati keni, na vaka-kwija, na visiwa, na vifwile, vaje valinakukala mu vinganda vyeni. Co vakevo vakaija nakwambata vyoshe vivanajeneka. Mukalinga eci, ngeci Shukulu Kalunga Njambi yeni akamivezikise mu vyuma vyoshe vimukapanga na mavoko eni.

Yoshwa 13:14

Mosesa kaanene mutambela wa lifuti ku muyati wa vaLevi kupwa vushwana vwavo, kuvanga lika vin̄ombelo vya kwenyeka a mutula kuli Shukulu Kalunga Njambi ya Isalele, vikevyo vyapwile vushwana vwavo ngwe muje mwamushikile Shukulu Kalunga.

Yoshwa 13:33

Oloni Mosesa kaanene mutambela umo kupwa vushwana vwa muyati wa vaLevi, omwo ikeye wavalekele ngeci Shukulu Kalunga Njambi ya Isalele ikeye akapwa vushwana vwavo.

Yoshwa 14:3

Mosesa walivangele kwana vushwana ku miyati ije ivali na litambelo vaje vakele mu ngangela musambwa ya Yondau, oloni kaanene vushwana akati ka vaLevi vwai,

Yoshwa 18:7

Nameme ngoco, vaLevi kuvakatambula mutambela umo wa lifuti kupwa vushwana vwavo amo neni, omwo vushwana vwavo vwapwa vwa vuka-kukombelela. Mwa vushunga vene, miyati ya Ngande, na Luvena, na litambelo lya Manase wa mu Ngangela vanatambula laja livu lyavo mu ngangela ya Yondau, lije lyavaanene Mosesa ngamba ya Shukulu Kalunga.”

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.