Kulava 18:2 - Livulu lya Shukulu Kalunga

² Twala vavushoko vwove, va ku muyati wa Levi, vapange amo nove nakukukwasa omo yove na vana vove mukapanga mu Mbalaka Mwakuliwanena.

Kulava 18:2 Iomraidhean Croise

Kushangumuka 29:34

Co Leya wakele lalo na kafumba, wakitile mwana wa munalume mukwavo. Wendekele ngwendi, “Ololo munalume wange akalikuta amo nange omwo njinamukitila vana va vanalume vatatu.” Ngecivene, wamulukile lizina lyendi Levi.

2 Mizimbu 30:16

Co vatumbamene mu myela yavo mu Njuvo ya Shukulu Kalunga ngwe ku vilongesa vya Lishiko lya Mosesa, munu wa Njambi. VaLevi vaanene maninga kuli vaka-kukombelela, co vawashamwinine a mutula.

Ezekiyele 44:11

Vasa kunjipangela mu Njuvo yange, mukunyunga vikolo nakupanga vipangi vya mu Njuvo yange. Vasa kutsiya vimuna vaje vavalinakukombelela vanu kupwa n̄ombelo ya kwenyeka, co lalo vakakala a vipangi ngeci vapangele vanu.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

Malakiya 2:4

Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 16:40

Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.

Kulava 17:7

Asinoni Mosesa watulikile milamu yoshe mu Mbalaka Mwakuliwanena kulutwe lwa Cikasa ca Cikumiiyo.

Kulava 18:4

Co vapange amo nove nakunyunga Mbalaka Mwakuliwanena nakupanga vipangi vyoshe vya mu Mbalaka, oloni munu weka naumo wai akashwenya kuyehi neni.

Kulava 3:5

Shukulu Kalunga wendekele kuli Mosesa ngwendi,

Kulava 4:15

Omo simbu yeta yakujaluka mu cilombo, co Alone na vana vendi vakafwike vivala vyoshe vyakujela vya mu Mbalaka. Asinoni vaka-cikota ca Kohate vakaija nakuvyambata, oloni kesi vakakwate ku vivala vyakujela kutewa vakatsa. Evi vikevyo vitele vivakambata vaka-cikota ca Kohate vya mu Mbalaka Mwakuliwanena.

Kulava 8:19

Ngecivene, njinaana vaLevi kuli Alone na vana vendi kupwa vwana, akati ka vanu va Isalele nakupanga vipangi mu Mbalaka Mwakuliwanena na mukwambesa vanu va Isalele ngeci kesi kukale mushongo wakulitambwisa akati kavo, omo vanu vashwenya kuyehi na Mwela Wakujela.”

Kulava 8:22

Vanu va Isalele valingile vyuma vyoshe vije vyashikile Shukulu Kalunga kuli Mosesa vyakukundama kuli vaLevi. Ngecivene, vaLevi vasele kukovela mu Mbalaka Mwakuliwanena nakupangela Alone na vana vendi.

VaHevelu 9:6

Eyi ikeyo ngila ivavwaesele vyuma voshe evi. Vaka-kukombelela vakele nakukovela mu Mbalaka ya anja a litangwa na litangwa nakupanga vipangi vyavo,