Kulava 18:19 - Livulu lya Shukulu Kalunga

¹⁹ “Vin̄ombelo vyakukundika vyoshe vije vanu va Isalele vakakombelela kuli yange Kalunga njinavyana kuli yove na kuli vana vove va vanalume, na ava va vanakazi, kupwa mulambu weni ku myaka yoshe. Eci cikeco cikumiiyo ca mwongwa ca kuhwa ku mesho ange Kalunga, kuli yove na ku vatekulwila vove voshe.”

Kulava 18:19 Iomraidhean Croise

2 Vimyene 12:16

Vimbongo vya vin̄ombelo vyakuliilwisila, na vin̄ombelo vya a vuvi kuvakele nakuvyaka mu cikasa embwe, oloni vyapwile vya vaka-kukombelela.

2 Mizimbu 13:5

Kuma kumwazivukile ngeci Shukulu Kalunga, Njambi ya Isalele walikumiiye cikumiiyo cakukola na Ndaviti, akumwana ikeye na vatekulwila vendi kushwana Isalele ku myaka yoshe?

2 Mizimbu 31:4

Co mwene walekele vanu vaje vakele mu Yelusalema vanene vin̄ombelo vije vyakundamene kuli vaka-kukombelela na vaLevi, ngeci vaane ku vije vishakiwa ngwe ku Lishiko lya Shukulu Kalunga.

Kutuuka 29:27

“Ngecivene, jelesa vilyo vya lijamba lya manga vyakukundika vije vyapwile vya Alone na vana vendi, vikevyo n̄undo na lindi vije vakundikile kuli yange kupwa vwana vwavuvwa.

Ezekiyele 43:24

vanene kuli yange. Vaka-kukombelela vakavakwita mwongwa, co vakavenyeka kupwa mulambu kuli yange.

VaLevi 2:13

Co a mulambu woshe wa vimbuto vya vinona munapande kutovao mwongwa, omwo mwongwa wimanena cikumiiyo akati keni na Njambi. (Munapande kutova mwongwa a milambu yeni yoshe.)

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 7:14

Co akalambule mutambela umo wa makende akujeneka musima na mutambela umo wa makende akujeneka musima kupwa vwana vwavuvwa kuli Shukulu Kalunga, ou unapu wa muka-kukombelela, uje atwala maninga a cimuna nakuwashamwina ku mutula.

Kulava 18:11

“Milambu yakama yoshe ije ivalambula vaIsalele kuli yange ikapwa yeni. Njinayana kuli yove, na kuli vana vove va vanalume, na ava va vanakazi ku myaka yoshe. Munu woshe wa mu naanga yove uje najele nasa kuvilya.

Kulava 18:8

Shukulu Kalunga wendekele kuli Alone ngwendi, “Kenga, yange njinakwana milambu yakama yoshe ije valambula kuli yange kesi ngwe vin̄ombelo vya kwenyeka. Njinakwanavyo yove na vatekulwila vove kupwa mutambela weni ku myaka yoshe.

Kulava 31:29

Vyaneni kuli Elyazale muka-kukombelela kupwa mulambu wa Shukulu Kalunga.

Kulava 31:41

Ngecivene, Mosesa waanene kuli Elyazale muka-kukombelela mulambu uje wapwile mutambela wa Shukulu Kalunga, ngwe muje mwashikile Shukulu Kalunga kuli Mosesa.

Kwituluka mu Mashiko 12:26

Twaleni vin̄ombelo vyeni ku mwela umolika wakulemesela, na mulambu weni wa cikulaeso uje munalikulaesa nawo kuli Shukulu Kalunga.

Kwituluka mu Mashiko 12:6

Yeni mukatwala vin̄ombelo vyeni kuje vya kwenyeka, na vin̄ombelo vikwavo, co mukaana cavulikumi, na mulambu uje mulinakwana, na vin̄ombelo vyeni vya cikulaeso kuli Shukulu Kalunga, na vin̄ombelo vyeni vya cizango, na va ntwatwa va ku vutanga vwa vi muna veni.