Kulava 18:15 - Livulu lya Shukulu Kalunga

¹⁵ “Mwana wa ntwatwa woshe nambe cimuna wa ntwatwa uje ivananjana vaIsalele apwe weni. Oloni munapande kukula mwana woshe wa ntwatwa wa munu, na mwana woshe wa ntwatwa wa cimuna uje kajelele.

Kulava 18:15 Iomraidhean Croise

2 Vimyene 12:5

Muka-kukombelela woshe napande kukala na moko ya vimbongo vije vivanenele vaje vaapangelele, co vije vimbongo vavipangesele mukuvwaesesa Njuvo ya Shukulu Kalunga kwoshe kuje vashakele kuvwaesa.

Nehemiya 10:37

Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

Kutuuka 13:15

Omo mwene wa Ingito wakaluwisile mbunge yendi wavyanene kutwecela ngeci tuye, co Shukulu Kalunga watsiile va ntwatwa voshe va vanalume mu lifuti lya Ingito, amo na vimuna va nkomba vakulivanga kusemuka. Omu mukemwo mutukakombelelela Shukulu Kalunga cimuna woshe wa nkomba wakulivanga kusemuka, oloni tukakula vana vetu va ntwatwa va vanalume.

Kutuuka 13:2

“Kundika va ntwatwa voshe va vanalume kuli yange, omwo ntwatwa na ntwatwa wa munalume wa vaIsalele na ava va tusitu vakulivanga kusemuka vakundama kuli yange.”

Kutuuka 22:29

“Kesi mwishwale kulambula kuli yange milambu ya vyakulya vyeni, na vimbuto vyeni, na vinyu vyeni, na mazi eni a olive, omo simbu ya kuteja inete. “Aneni vana veni va va ntwatwa va vanalume kuli yange.

Kutuuka 34:20

Oloni mwasa kukula cimulu woshe wakulivanga kusemuka nakwingisamo muna manga mu mwela wendi. Nga yove shove kumukula, co mupokole mukoshi. Oloni kuleni mwana woshe wa ntwatwa wa munalume. “Munu naumo wai akaija ku mesho ange mavoko-voko kujeneka mulambu.

Kulava 18:16

Omo vali na ngonde imo mukavakula na mavundungulu a siliva atanu ngwe ku ndando ivemika.

Kulava 3:13

Omo njatsiile va ntwatwa voshe va vaka-Ingito, njalijeleselele yange vavenya va ntwatwa voshe va vanalume va mu naanga ya vaIsalele, co na vimuna va nkomba vakulivanga kusemuka, vakapwa vange. Yange njapwa Kalunga.”

Kulava 3:46

Omwo vungi vwa va ntwatwa va vanalume va vanu va Isalele vanatuvakana vaLevi na 273, co unapande kukula vaje vana va vanalume vanasalao.

Kwituluka mu Mashiko 15:19

“Mukaangunwina Shukulu Kalunga Njambi yeni va nkomba voshe va vingombe na vimanga vakulivanga kusemuka, kesi mukapangese cimuna umo nambe kuteula vimanga ava embwe.