Kulava 18:13 - Livulu lya Shukulu Kalunga

¹³ Co vushuka vwoshe na vimbuto vyoshe vyakulivanga kuhya vije vili mu lifuti lyavo vije vakalambula kuli yange vikapwa vyeni. Co munu woshe wa ku naanga yove uje najele nasa kuvilya.

Kulava 18:13 Iomraidhean Croise

2 Vimyene 4:42

Co a simbu ikwavo kwezile munu wa ku Mbale Shalisha, wanenelele Elisha mikasha ya makende makumi avali akulinga na vunga vwa mbale ya maumwa yakulivanga kuteja a mwaka uje vene, na tiliku yaiha. Co Elisha walekele ngamba yendi kwana vije vyakulya ku mbunga ya vaka-kwimanena,

2 Mizimbu 31:5

Vwasi-vwasi omo vazivile lishiko eli, co vanu va Isalele vanenele vwana vwavo vwa vimbuto vyavivwa na vinyu na mazi a olive na vuki na vimbuto vikwavo vije valimine, co vanenele lalo cavulikumi ku vyuma vyoshe vije vakele navyo.

Kutuuka 22:29

“Kesi mwishwale kulambula kuli yange milambu ya vyakulya vyeni, na vimbuto vyeni, na vinyu vyeni, na mazi eni a olive, omo simbu ya kuteja inete. “Aneni vana veni va va ntwatwa va vanalume kuli yange.

Kutuuka 23:19

“Mukanena vimbuto vije mwateje akulivanga ku njuvo ya Shukulu Kalunga Njambi yeni a mwaka na mwaka. “Kesi mukateleke muna manga nambe muna membe na mavele a vainavo embwe.

Kutuuka 34:26

“Co a mwaka na mwaka neneni ku Njuvo ya Shukulu Kalunga Njambi yeni vimbuto mwateje akulivanga. “Kesi muteleke muna manga nambe muna membe na mavele a vaina embwe.”

Njelemiya 24:2

Mu mutonga wakulivanga mwakele vushuka vwavuvwa vwa mikuyu, vuje vukalivanga kuhya, co mu mutonga ukwavo mwakele vushuka vwa mikuyu vwavuvi, vwapwile vwavuvi manene akuvulya.

Ezekiyele 44:30

Vaka-kukombelela vakatambula vije vyavivwa vyoshe, vya kuteja akulivanga, na vyuma vyoshe vyeka vije vivakanena kuli yange. A simbu na simbu ije vanu voca makende, vanapande kwana vaka-kukombelela likende lyakulivanga kwoca kupwa mulambu, co vivezikiso vyange vikakala a vinjuvo vyavo.

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

VaLevi 22:7

Co omo litangwa linatoko, akapwa wakujela. Asinoni akasa kulya ku vin̄ombelo vyakujela, omwo vikevyo vinapu vyakulya vyendi.

VaLevi 23:17

Naanga na naanga vakanene kuli Shukulu Kalunga mikasha ivali ya makende kupwa mulambu wauvwa. Mukasha umo na umo vautike na makilo avali a vunga vwa tiliku vwakuseneta vwakutika na musima, co vakayilambule kuli Shukulu Kalunga kupwa mulambu wakulivanga wa vimbuto vije vanatejele.

Mika 7:1

Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti.

Kwituluka mu Mashiko 18:4

Co mukavane vimbuto vyakulivanga, na vinyu vyeni vyaviha, na mazi a olive, na maka a vimanga aje akulivanga kuteula.

Kwituluka mu Mashiko 26:2

munapande kwambata vushuka vwakulivanga vuje vumukongulula mu lifuti lyeni lije lyakamyana Shukulu Kalunga Njambi yeni. Co mukavwake mu mitonga, asinoni mukaye ku mutambela wakumulemesela wakaangula Shukulu Kalunga Njambi yeni.