Kulava 18:10 - Livulu lya Shukulu Kalunga

¹⁰ Munapande kulila vyuma vyoshe evi mu mutambela umo wakujela, oloni vanalume lika vakevo vakavilya, munapande kuviyongola ngeci vyapwa vyakujela.

Kulava 18:10 Iomraidhean Croise

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

VaLevi 10:13

Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 10:17

“Omwo vikajo kumwalililile n̄ombelo ya a vuvi mu mwela wakujela? Eyi n̄ombelo inapu yakujela manene, Shukulu Kalunga namyanayo mukwambata vuvi vwa mbunga ya vanu mukuvaambesa.

VaLevi 14:13

Co akatsiile uje muna manga ku mutambela wakujela kuje vakatsiila vimuna va vin̄ombelo vya a vuvi, na vin̄ombelo vya kwenyeka, napande kulinga eci omwo n̄ombelo ya kuliilwisila inalifu na n̄ombelo ya a vuvi, evi vyapwa vya muka-kukombelela. Vyapwa vyakujela.

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 6:16

Alone na vana vendi vakalya vyoshe vije vikasalao mu mutambela wakujela mu cipango ca Mbalaka Mwakuliwanena, oloni makende kuvakawatiki na musima embwe.

VaLevi 6:18

Co vatekulwila va Alone va vanalume vakailye ku visemwa vyavo vyoshe vya kulutwe omwo unapu mutambela wavo wa milambu ya vyakulya wakukombelela kuli Shukulu Kalunga. Munu nkala uje akakwata ku mulambu wa vyakulya ou akavulumuka a nzili yakujela kwawo.”

VaLevi 6:26

Co muka-kukombelela uje akakombelela cimuna, ikeye akamulile ku mwela wakujela, mu cipango ca Mbalaka Mwakuliwanena.

VaLevi 6:29

Co vanalume voshe va naanga ya vaka-kukombelela vasa kulya mulambu ou, unapu wakujela manene.

VaLevi 7:6

Co munalume woshe wa naanga ya vaka-kukombelela asa kuulya, oloni vanapande kuulila mu mutambela wakujela, omwo ukewo unapu wakujela manene.

Kulava 18:11

“Milambu yakama yoshe ije ivalambula vaIsalele kuli yange ikapwa yeni. Njinayana kuli yove, na kuli vana vove va vanalume, na ava va vanakazi ku myaka yoshe. Munu woshe wa mu naanga yove uje najele nasa kuvilya.

Kulava 18:9

Ku vin̄ombelo vyakujela manene, vije kesi vyakwenyekela a mutula, vyoshe evi vyakundama kuli yeni, ngeci mwa n̄ombelo ya vimbuto, na n̄ombelo ya a vuvi, na n̄ombelo yakuliilwisila. Vyuma vyoshe vije vivakundika kuli yange kupwa vyakujela manene, vinapu vyove na vana vove.