Kulava 16:9 - Livulu lya Shukulu Kalunga

⁹ Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi?

Kulava 16:9 Iomraidhean Croise

Kushangumuka 30:15

Leya wamukumbulwile ngwendi, “Kuma kuwapwisilemo omo wanjitambula munalume wange ndi? Co ushaka lalo njikwane mandeleke a munange.” Lakele wamukumbulwile ngwendi, “Nga unjanako mandeleke a munove, co vutsiki vwa lelo Yakomba akaija mu njuvo yove.”

2 Samwele 7:19

Nameme ngoco anga ucili nakuwezelelako lalo, Shukulu Kalunga wa Akamwa ya Vyoshe, unanjikulaesa cikulaeso ca vatekulwila vange ku myaka ya kulutwe. Co unatava munu ngeci amone evi, Shukulu Kalunga wa Akamwa ya Vyoshe!

2 Mizimbu 35:3

Co lalo washikile vaLevi, valongisi va Isalele voshe, vaje vavakundikile kuli Shukulu Kalunga ngwendi, “Akeni Cikasa ca Cikumiiyo cakujela mu Njuvo ya Shukulu Kalunga ije yatungile Mwene Solomoni, muna Ndaviti, kumukacambata lalo a vitsili vyeni kutunda ku mutambela umo nakuya ku mutambela ukwavo embwe, oloni mukapangela lika Shukulu Kalunga Njambi yeni na vanu vendi va Isalele.

Nehemiya 12:44

A simbu ije vemikile vanu vaka-kunyunga ku milili yakutulikila milambu ya ku Njuvo ya Shukulu Kalunga, amo na vyavulikumi, na vimbuto vyakulivanga, na vushuka vuje vuvatejele a mwaka na mwaka. Vanu ava vakele na moko yakutambula milambu ku mahya aje akele kuyehi na vinganda vyakuliseza-seza, amo na milambu yakukwasa vaka-kukombelela na vaLevi, kwesekesa ku Mashiko. Vanu voshe va Yunda vavwaelelele na vaka-kukombelela na vaLevi,

Isaya 7:13

Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Ezekiyele 34:18

Vamo veni kuvapwisilemo kulya mwila wauvwa, mulinakulyatangela mwila uje kumushaka kulya! Munwa mema amavwa, co muvundula aje kumushaka kunwa!

Ezekiyele 44:16

Vakevo lika vakakovela mu Njuvo yange, nakupangela ku mutula wange, nakwendesa vipangi vyakulemesa mu Njuvo yange.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 16:13

Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi?

Kulava 16:8

Co Mosesa wendekele lalo kuli Kola ngwendi, “Ololo tolilileni yeni vaka-cikota ca Levi!

Kulava 3:6

“Nena kulutwe muyati wa Levi ngeci uvaangule vapwe vaka-kupangela muka-kukombelela Alone.

Kulava 3:9

Moko ya vaLevi yapwa kupangela Alone na vana vendi omwo vanamwanavo voshe kupwa vwana vwendi vwakutunda muli vanu va Isalele.

Vilinga vya Miluwa 13:2

A simbu ije vapangelele Mwene nakulikela kulya, co Munzinzime Wakujela wendekele kuli vakevo ngwendi, “Njaangunwineniko Mbanambase na Saulu vapange vipangi vije njinavasanena.”

1 Kolinte 4:3

Oloni kunjesi na cishota-mbunge akunjisompa yeni nambe vanu, yange kunjesi kulisompa yange vavenya.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

1 Samwele 18:23

Ngecivene, vambulwile majwi aje kuli Ndaviti, co ikeye wakumbulwile ngwendi, “Cinapu cuma cakama ca kasingimiko kupwa ishemweno ya mwene, cuma cakama manene kuli kautu wa seo ngwe yange.”