Kulava 16:5 - Livulu lya Shukulu Kalunga

⁵ Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi.

Kulava 16:5 Iomraidhean Croise

Myaso 105:26

Njambi watumine ngamba yendi Mosesa, na Alone uje yaangwile.

Myaso 115:10

Yeni vaka-kukombelela va Njambi, kulaeleni kuli Shukulu Kalunga, ikeye muka-kumikwasa na muka-kuminyunga.

Myaso 65:4

Navezika munu uje iwunaangula, nakumushwenyesa kuli yove, ngeci akale mu lipela lyove. Tunakuta na vyuma vyavivwa vya ku Njuvo yove, vivezikiso vya mu Njuvo yove yakujela!

Kutuuka 28:1

“Sana ndolome yove Alone na vana vendi, Nandave, na Avihu, na Elyazale, na Itamale. Vaangunune kuli vanu va Isalele ngeci vanjipangele vipangi vya vuka-kukombelela.

Kutuuka 28:41

Co ukazika ndolome yove Alone na vana vendi vuzalo ovu, asinoni ukavavwavesa na mazi akuvajelesa nakuvakundika, ngeci vanjipangele kupwa vaka-kukombelela.

Kutuuka 28:43

Alone na vana vendi vanapande kuzala otu tuputula simbu yoshe omo vakovela mu Mbalaka Mwakuliwanena, nambe omo vashwenya kuyehi na mutula mu vipangi vyakukombelela mu Mwela Wakujela, ngeci kesi vakale mushelengwa, kutewa vatsa. Awa akewo mashiko a myaka yoshe kuli Alone na vatekulwila vendi.

Njelemiya 30:21

Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Ezekiyele 40:46

co uje mulili wakengesele ku kunto wapwile wa vaka-kukombelela vaje vapangele ku mutula. Vaka-kukombelela vakutunda ku naanga ya Zandoke, vapwa muyati wa Levi lika, vaje vavanatavesa kupangela Shukulu Kalunga.

Ezekiyele 43:19

Co vaka-kukombelela va ku muyati wa Levi, vaje vatunda kuli Zandoke vakevo lika vakaija ku mesho ange nakunjipangela. Yange Kalunga wa Akamwa ya Vyoshe, njashiki evi. Ukana vaka-kukombelela muna ngombe wa nkomba kupwa n̄ombelo ya a vuvi.

Ezekiyele 45:4

Ukapwa mutambela umo wakujela mu lifuti, uje vakangunwina vaka-kukombelela vaje vaka-kupangela Shukulu Kalunga mu Njuvo yendi. Mukakala lika vinjuvo vyavo na mutambela wa Njuvo ya Shukulu Kalunga.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 8:2

“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima.

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Kulava 16:3

Co vakungulukile kulwisa Mosesa na Alone, vendekele kuli vakevo ngwavo, “Yeni vantwama muli na kulyalesa manene! Mbunga yoshe eyi yapwa yakujela, co Shukulu Kalunga lalo ali netu voshe. Ngecivene, omwo vikajo munalyana yeni vavenya vuntwama akamwa ya mbunga ya Shukulu Kalunga?”

Kulava 16:6

Imene mutondo yove na mbunga yove yoshe mukambata vikango,

Kulava 17:5

Co mulamu wa munalume uje injikaangula ukajovelela. Mu ngila eyi njikamanesa kulinyenyeta kwa vanu va Isalele kuje vakalinyenyetela kuli yeni.”

Kulava 17:8

Alikaki, Mosesa wakovelele mu Mbalaka Mwakuliwanena, co wamwene mulamu wa Alone uje wemanenene muyati wa Levi, unajovelela, uli na mavundungulu, unashamwina vishani, co unemi vushuka vwakuhya vwa alumonde!

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 13:2

A simbu ije vapangelele Mwene nakulikela kulya, co Munzinzime Wakujela wendekele kuli vakevo ngwendi, “Njaangunwineniko Mbanambase na Saulu vapange vipangi vije njinavasanena.”

Vilinga vya Miluwa 15:7

Co omo vasimutwiiye simbu yakama Petulu wakatukile nakwendeka ngwendi, “Vakwetu, mwazivuka ngeci simbu yalaja Njambi waangwile yange akati keni nakwambulula Vin̄anda Vyavivwa kuli vaje kesi vaYunda, ngeci vazive nakukulaela.

Vilinga vya Miluwa 22:14

Co wendekele ngwendi, ‘Njambi ya vakukulwila vetu nakwangula ngeci uzivuke cizango cendi nakumona Ngamba yendi wa vushunga nakumutolilila omo endeka na lijwi lyendi.

Efeso 2:13

Oloni ololo muli Kilistu Yesu, yeni mwakele kulyala, vanaminena kuyehi a maninga a Kilistu.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

Kujombolola 1:6

co natupwisa vumwene vwa vaka-kukombelela mukupangela Njambi na Ishe. Kuli Yesu Kilistu kukale vumpau na nzili ku myaka yoshe! Ewa.

1 Samwele 2:28

Co ku miyati yoshe ya Isalele njaangwileko naanga yendi kupwa vaka-kukombelela vange, kupanga ku mutula nakwenyeka insense, nakuzala kangamuna ku mesho ange. Co njavanene moko yakunyunga mutambela wa vin̄ombelo vya kwenyeka a mutula.