Kulava 16:28 - Livulu lya Shukulu Kalunga

²⁸ Co Mosesa wendekele ku mbunga ya vanu ngwendi, “Eci cikamizivukisa ngeci kuma Shukulu Kalunga ikeye nanjitumu kulinga vyuma evi vyoshe, kesi yange vavenya njalilingilavyo embwe.

Kulava 16:28 Iomraidhean Croise

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Kutuuka 4:12

Ngecivene, ololo, ya! Njikakukwasa akwendeka, co njikakuleka vije viwukendeka.”

Kutuuka 4:15

Ukendeka nendi nakumuleka evi vyanapande kwendeka. Co njikamikwasa muvuvali vweni akwendeka, njikamileka muvuvali vweni vimukalinga.

Kutuuka 7:9

“Nga mwene ashaka ngeci musholole vukaleo vwakulinga vikomokeso, leka Alone ambate mulamu wendi, aumbile asi ku mesho a mwene, ngeci ukewo ukalimuke linyoka.”

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Ezekiyele 13:17

Shukulu Kalunga wendekele ngwendi, “Ololo, muna munu, kenga vanakazi vaje vali akati ka vanu vove vaje vambulula vya vuka-kwimanena. Vaile,

Zakaliya 2:9

“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.” Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Kulava 24:13

‘Nameme nga Mbalake akanjana njuvo yakushula ya siliva na ngolinde ya mu lipela lyendi, kunjikasa kuvyana kushika kwa Shukulu Kalunga akulilingila cumacimo yange vavenya nambe cacivwa nambe cacivi. Njikendeka lika vije vyakanjileka Shukulu Kalunga kwendeka.’ ”

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 14:11

Njikulaeleni omo njendeka ngwange njili muli Tate, co Tate ali muli yange. Nga kesi ngoco, kulaeleni omwo vyuma vije njilinakulinga.

Yowano 5:30

“Kunjasa kulinga cuma cimo na moko yange vavenya, Njikasompa lika muje mwanjileka Njambi, ngecivene, kusompa kwange kunapu kwa vushunga, omwo kunjesi kulinga vije vinjishaka embwe, oloni kuvanga vije lika vyashaka uje wanjitumine.

Yowano 5:36

Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Kwituluka mu Mashiko 18:22

Omo muka-kwimanena endeka mu lizina lya Shukulu Kalunga, nga cije cuma alinakwendeka kuvacilingile nambe kucasholokele, co cuma cije kesi Shukulu Kalunga nacendeka. Co uje muka-kwimanena nendeka nakwamuka, kesi mukamuzivile lyova embwe.