Kulava 16:2 - Livulu lya Shukulu Kalunga

² Watengulukilile vuntwama vwa Mosesa amo na vakwavo vaIsalele 250 vantwama vakwanguka mu mbunga va lutsimo lwaluvwa.

Kulava 16:2 Iomraidhean Croise

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

1 Mizimbu 12:30

Kuli Efalime kwatundile vanalume 20,800 vakutsimana mu vikota vyavo.

1 Mizimbu 5:24

Ava vakevo vakulunu va vikota vavo, Efele, na Ishi, na Elyele, na Azelyele, na Njelemiya, na Hondaviya, na Njahendiyele. Voshe vapwile mashwalale va moko va lutsimo, co vapwile vakulunu va vikota vavo.

Ezekiyele 16:14

Yove watsimanene ku miyati yoshe omwo vuvwa vwove, omwo yange njakulingisile ngeci upwe uwamuvwa manene.” Evi vikevyo vyanendeka Shukulu Kalunga wa Akamwa ya Vyoshe.

Ezekiyele 23:10

Vamushulwile vuzalo vwendi, co vakwatele vana vendi va vanalume na ava va vanakazi, co vamutsiile na mukwale. Ngecivene, vanakazi kwoshe-ikwoshe vendekele a cifwa ca kutsa kwendi.

Kulava 1:16

Ava vakevo vanalume vaje vavaangwile mu mbunga, vakevo vakulunu va miyati ya vakukulwila vavo, vakevo vantwama va vikota vya vanu va Isalele.

Kulava 12:1

Milyamu na Alone vafweyele Mosesa omwo wambatele munakazi wa kaKushe.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Kulava 26:9

na vana vendi Nemwele, Ndatane, na Avilame. (Ava va Ndatane na Avilame vaje vavaangwile mbunga ya vanu va Isalele. Vakevo vaje vatengulukilile Mosesa na Alone, co valipandakanene na Kola omo vatengulukilile Shukulu Kalunga.

Kulava 27:3

“Tatetu watsililile mu mambo, ikeye kakele akati ka vaje vakavangeyeye Kola, uje watengulukilile Shukulu Kalunga. Oloni tatetu watsile omwo vuvi vwendi vavenya, kasezele vana va vanalume vai.