Kulava 16:15 - Livulu lya Shukulu Kalunga

¹⁵ Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Kulava 16:15 Iomraidhean Croise

2 Samwele 22:22

Njinononoka lishiko lya Shukulu Kalunga, co kunjakengesele nima Njambi yange.

Kutuuka 32:19

Omo Mosesa washwenyele kuyehi na cilombo wamwene muna ngombe wa nkomba, co lalo wamwene vanu valinakukina, co waluvalele manene-nene. Ngeci wombilile asi vije vitale wambatele mu mavoko endi, kwisi ya munkinda, co vyatavozokele.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Kulava 12:3

Mosesa wapwile munu wa kulikeesa kutuvakana vanu voshe ano asi.

Kulava 16:16

Mosesa wendekele kuli Kola ngwendi, “Imene yove na mbunga ya vanu vove 250 munapande kwija ku Mbalaka Mwakuliwanena, na Alone lalo nendi akakaleko.

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Mako 3:5

Co Yesu waluvalele omo wavakengele, oloni a simbu ije vene wazivile manene vusiwa omwo vakevo, omwo vakaluwisile vimbunge vyavo. Asinoni wendekele kuli uje munalume ngwendi, “Olola livoko lyove.” Wolwele livoko lyendi, co lyakangukile.

1 Kolinte 9:15

Oloni kunjapangesele moko yange a vyuma evi embwe, nambe kunjesi nakusoneka evi ololo ngeci njilombe kukala na moko eyi. Mwamuvwa nga njinatsile akulivanga! Naumo wai atengulula moko yakulishasha kwange mu majwi amupulungwa!

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 7:2

Tushokolweleni vimbunge vyeni. Kutwalingile mwamuvi munu naumo wai wai itunaviisila, nambe kweseka kwambata cuma cimo mu ngila ya makuli.

Efeso 4:26

Nga muluvala, kesi mutave kuluvala kweni kumitwale ku vuvi, co kesi mutokese litangwa mukuluvala lika embwe.

1 Tesalonika 2:10

Yeni munapu mu vakaleo vetu, na Njambi lalo, ngeci mu myonyo yetu ku mesho eni vaka-kukulaela yapwile yakujela, ya vushunga na yakujeneka mulonga.