Kulava 15:9 - Livulu lya Shukulu Kalunga

⁹ akatwale makilo atatu a vunga vwavuvwa vwakuseneta vwakukumbasana na malita avali a mazi a olive kupwa mulambu wa vimbuto vya vinona,

Kulava 15:9 Iomraidhean Croise

1 Mizimbu 21:23

Co Alauna wakumbulwile Ndaviti ngwendi, “Wambate ngano shukulu, ngeci ulingileo vyoshe ushaka. Co lalo vingombe ava wenyekele a mutula kupwa n̄ombelo, na vimandauluwa vyavo evi amolika na mavaya akujungwila ngeci vipwe vitale, co lalo tiliku eyi ipwe n̄ombelo ya vimbuto. Vyoshe evi njinakwana.”

Nehemiya 10:33

Co evi vikevyo vitukaana ku Njuvo ya Shukulu Kalunga yakulemesela, makende akujela, na n̄ombelo ya vimbuto vya vinona ya a litangwa na litangwa, na vimuna vakukombelela a litangwa na litangwa, na vin̄ombelo vyakujela vya a Litangwa Lyakuhwima, na a Ciwano ca Kutenama kwa Ngonde, na viwano vikwavo, na vin̄ombelo vikwavo vyakujela, na vin̄ombelo vya a vuvi vwa vaIsalele, na vyoshe vije vishakiwa ku Njuvo ya Shukulu Kalunga.

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

Ezekiyele 46:11

A matangwa a viwano na a viwano vikevyo vavenya, mulambu wa vimbuto vya vinona ipwe malita likumi na atanu na avali na litambelo, na ngombe wa nkomba umo na umo nambe lijamba lya manga umo na umo, na vyoshe vije vyashaka uje muka-kulemesa kwana a muna manga umo na umo. Malita atatu a mazi a olive vavilambule na mulambu umo na umo wa vimbuto vya vinona.

Ezekiyele 46:15

Muna manga, na vunga vwa tiliku, na mazi a olive vanapande kuvikombelela kuli Shukulu Kalunga a mutondo na mutondo simbu yoshe.”

Ezekiyele 46:5

A lijamba lya manga umo na umo akanene mulambu wa vimbuto vya vinona wa malita akupwa likumi na atanu na avali na litambelo, co a muna manga na muna manga akanene vyoshe vije ashaka kwana. A mulambu woshe wa vimbuto vya vinona akanene malita atatu a mazi a olive.

Ezekiyele 46:7

A ngombe umo na umo wa nkomba na a lijamba umo na umo, mulambu unapande kupwa vimbuto vya vinona vya malita akupwa likumi na atanu na avali na litambelo, a muna manga umo na umo, mulambu ukapwe vyoshe vije mwene ashaka kwana. Malita atatu a mazi a olive vakavyane na mulambu umo na umo wa vimbuto vya vinona.

Njwele 1:9

Kukwesi vimbuto nambe vinyu vyakulambula mu Njuvo ya Shukulu Kalunga, vaka-kukombelela valinakulila omwo kukwesi vin̄ombelo vyakukombelela kuli Shukulu Kalunga.

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

VaLevi 14:10

“A litangwa lyamucitanu na atatu akanene majamba a vana va vimanga vavali, na muna manga umo wa lwavo wa mwaka umo vaje kuvesi na kapenga, na makilo atatu a vunga vwavuvwa vwakuseneta, na mazi a olive na litambelo lya lita lya mazi a olive.

VaLevi 6:14

“Awa mashiko anapu a milambu ya vimbuto vya vinona. Muka-kukombelela wa ku naanga ya Alone akanene mulambu wa vimbuto vya vinona kuli Shukulu Kalunga kulutwe lwa mutula.

VaLevi 7:37

Awa akewo mashiko a milambu ya kwenyeka, na milambu ya vimbuto vya vinona, na milambu ya a vuvi, na milambu ya kuliilwisila, na milambu yakukundika vaka-kukombelela, na milambu ya kulitombola.

Kulava 15:10

amo na malita avali a vinyu. Co vweko vwavuvwa vwa n̄ombelo eyi vukavwaelelesa Shukulu Kalunga.

Kulava 15:8

Omo akalambula ngombe wa nkomba kuli Shukulu Kalunga kupwa mulambu wa kwenyeka, nambe n̄ombelo ya kushulisa cisingo, nambe mulambu wa kulitombola,

Kulava 28:12

Amo na muna ngombe wa nkomba umo na umo, lambwilao mulambu wa vimbuto vya vinona makilo atatu a vunga vwavuvwa vwakuseneta vwakukumbasana na mazi a olive. Amo na lijamba lya manga umo na umo, lambwilao mulambu wa vimbuto vya vinona makilo avali a vunga vwavuvwa vwakuseneta vwakukumbasana na mazi a olive.

Kulava 28:14

Milambu yavyo ya vinyu ikapwe malita avali a ngombe wa nkomba umo na umo, co lita imo na litambelo a lijamba lya manga umo na umo, co lita imo a muna manga umo na umo. Eli likelyo lishiko lya a mulambu wa kwenyeka wa a litangwa lyakulivanga ku ngonde na ngonde, na a mwaka na mwaka.

Kulava 29:6

Mukakombelela vimuna ava, kuwezelela ku n̄ombelo ya kwenyeka ya a litangwa na litangwa, na a ngonde na ngonde, na vin̄ombelo vyavo vya vimbuto, na vin̄ombelo vyavo vya vinyu, ngwe ku lishiko lyavyo. Vikevyo vinapu vin̄ombelo vya vyakulya kuli Shukulu Kalunga, co lwengo lwaluvwa lwa vin̄ombelo evi lukavwaelelesa Shukulu Kalunga.

1 Samwele 1:24

Omo wamushumwine, waile nendi ku Shilo, amo na muna ngombe wa nkomba wa myaka itatu, na mutonga wa vunga vwa makilo likumi, na njeke ya cilambu yakushula ya vinyu. Co waile na Samwele ku Njuvo ya Shukulu Kalunga ku Shilo, nameme Samwele wapwile wamundondo.