Kulava 15:39 - Livulu lya Shukulu Kalunga

³⁹ Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Kulava 15:39 Iomraidhean Croise

1 Vimyene 12:33

Co a litangwa lyamulikumi na atanu ku ngonde yamucitanu na vitatu, a litangwa lije lyemikile, Yelovowame waile ku Mbetele nakukombelela n̄ombelo a mutula mukulisamba a ciwano cije cemikilile vanu va Isalele.

Yombi 31:7

Nga njatundu mu ngila ya vushunga, nambe njilikokweya yange vavenya kuya ku vuvi, nga mavoko ange ali na mazilo a vuvi,

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Kutuuka 13:9

Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili.

Visimo 28:26

Uje alikulaela ikeye vavenya napu cilema, oloni uje enda na mana akovoka.

Visimo 3:1

Munange, kesi wivale vilongesa vyange. Simbu yoshe mbunge yove inapande kunyunga mashiko ange.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

Kwituluka mu Mashiko 4:23

Nyanyameni ngeci kesi mwivale cikumiiyo cije Shukulu Kalunga Njambi yeni walikumiiye neni. Co kesi mulishongele cifwa ca kamponya.

Kwituluka mu Mashiko 6:12

Ngecivene, nyanyameni kutewa mukevale Shukulu Kalunga uje wamitundisile mu Ingito kuje yeni mwapwile mu vindungo.

Kwituluka mu Mashiko 8:11

“Ngecivene, nyanyameni kutewa mukevala Shukulu Kalunga Njambi yeni a kwononoka mashiko endi, na vilongesa vyendi, na vizilika vyendi evi njimishika ku litangwa lya lelo.

Kwituluka mu Mashiko 8:14

cooni vimbunge vyeni vikalyalesa nakwivala Shukulu Kalunga Njambi yeni uje wamitundisile mu Ingito, mu lifuti lya vundungo.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.