Kulava 15:31 - Livulu lya Shukulu Kalunga

³¹ omwo nombwanesa vije vyendekele Shukulu Kalunga, co najomboka lishiko lyendi.”

Kulava 15:31 Iomraidhean Croise

2 Samwele 12:9

Ngecivene, omwo vikajo kuwononokele kushika kwange? Omwo vikajo unalingi vuvi vwangacije? Yove unatsiisa Uliya mu nzita, unatava vaAmoni vamutsiye, ngeci unambata munakazi wendi!

Myaso 107:11

omwo vatengulukilile mashiko a Njambi Muka-nzili yoshe, nakuvyana vilongesa vyendi.

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Myaso 38:4

Omwo vuvi vwange vunanjihyana, cihiso cange cinanjihyana kutuvakana nzili yange.

Kutuuka 30:33

Munu woshe akalinga mazi ngwe awa, nameme kuwapangesa ku munu kesi muka-kukombelela kuli yange, kakapu lalo umo wa vanu vange embwe.’ ”

Visimo 13:13

Nga uvyana vilongesa vya Njambi, co ulinenela tuyando, oloni uje ononoka mashiko endi vakamwana cikandelela.

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Ezekiyele 18:20

Kuvanga munu uje alinga vuvi ikeye lika atsa. Mwana kasa kuyanda omwo vuvi vwa ishe embwe, nambe ishe kasa kuyanda omwo vuvi vwa munendi embwe. Munu wamuvwa vakamwana cikandelela omwo akulinga vuvwa, co munu wamuvi akayanda omwo a vuvi vwakalingi.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

VaLevi 5:1

“Nga munu vamusana ku mbanja ngeci akaane vukaleo vwa vije namono nambe nazivi, co ajeneka kuvyambulula, ngongo yendi vavenya.

Kulava 9:13

Oloni nga munu najele, co kesi mu vungenzi ikeye alikela kunyunga Ciwano ca Pasovala, co kuvakamulava lalo kupwa umo wa vanu vange embwe, omwo ikeye kakombelelele n̄ombelo kuli yange a simbu yaco. Co uje munu ngongo yendi vavenya.

Kwituluka mu Mashiko 17:12

Nga munu umo ajeneka kwononoka kuli muka-kukombelela uje muka-kupangela Shukulu Kalunga Njambi yeni, nambe kuli lyaako, co uje munu vakamutsiye, ngeci mukatundise vuje vuvi mu Isalele mwoshe.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

2 Petulu 2:21

Omwo nga capwile cacivwa kuli vakevo kujeneka kuzivuka ngila ya vushunga kutuvakana kuyizivuka, co vatengulukila kweka nakutunda ku lishiko lije lyakujela lije livavaanene.

1 Samwele 3:14

Ngecivene, njinalisingi ngeci ku naanga ya Eli kukwesi kukombelela nambe n̄ombelo ikasa kutundisa vuvi vwangacije.”