Kulava 15:3 - Livulu lya Shukulu Kalunga

³ Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 15:3 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Ezela 7:17

“Ngecivene, munapande kupangesa mwamuvwa vimbongo evi, co landa vingombe va nkomba, na majamba a vimanga, na vana va vimanga, na vimbuto, na vinyu nakuvikombelela a mutula wa mu Njuvo ya Shukulu Kalunga mu Yelusalema.

Myaso 54:6

Yove Shukulu Kalunga, njikakukombelela n̄ombelo ya cizango, njikakandelela manene lizina lyove, omwo yove wapwa uwamuvwa.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:25

Asinoni vitambule kuli vakevo nakuvyenyekela a mutula, akamwa ya milambu ya kwenyeka, kupwa mulambu wa vyakulya kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:41

Co kombelela muna manga wamucivali ku cingwezi, mukombelele amo na vunga, na mazi a olive, na vinyu ku mutondo lalo. Ou unapu mulambu wa vyakulya kuli yange Kalunga. Co vweko vwawo vukanjivwaelelesa.

VaLevi 10:13

Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 27:2

“Leka vanu va Isalele ngwove, omo vaana munu kuli Shukulu Kalunga kushulisa cisingo, uje munu nasa kupatuka akumukula na vimbongo,

VaLevi 7:16

Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki,

Kulava 28:27

Oloni mukakombelela n̄ombelo ya kwenyeka, co lwengo lwaluvwa lwa n̄ombelo eyi lukavwaelelesa Shukulu Kalunga, vana va vingombe va nkomba vavali, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga.

Kulava 29:8

Oloni mukakombelela n̄ombelo ya kwenyeka kuli Shukulu Kalunga, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umolika, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 6:15

Co akalambula lalo mutonga wa makende akujeneka musima, na mashama-shama a kuhima a vunga vwakuseneta vwakukumbasana na mazi a olive, amo na mulambu wavyo wa vimbuto vya vinona na mulambu wavyo wa vinyu.

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

2 Kolinte 2:15

Omwo tunapu ngwe lwengo lwaluvwa lwa insense kuli Njambi luje lulinakuya kuli vaje vanovoka na kuli vaje vaka-kunyonga.

2 Kolinte 2:16

Co kuli vaje vananyongo tunapu lwengo lwakutunda ku kutsa lutwala ku kutsa, oloni kuli vaje vanovoka, lunapu lwengo lwaluvwa lwakutwala ku mwonyo, ngecivene, iyajo muka-mana asa kuzivuka vipangi evi?

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:17

Co nacimo cai cije cimukaana kuli Shukulu Kalunga cimukalila mu mitambela mumuli nakukala embwe, nambe cavulikumi ku vimbuto vyeni, nambe ku vinyu vyeni vyaviha, nambe ku mazi eni a olive, nambe ku va ntwatwa va vimuna veni, nambe vin̄ombelo vyeni vya cikulaeso vije mulinakulikulaesa kuli Shukulu Kalunga, nambe vin̄ombelo vyeni vya cizango, nambe milambu ikwavo lalo.

Kwituluka mu Mashiko 12:6

Yeni mukatwala vin̄ombelo vyeni kuje vya kwenyeka, na vin̄ombelo vikwavo, co mukaana cavulikumi, na mulambu uje mulinakwana, na vin̄ombelo vyeni vya cikulaeso kuli Shukulu Kalunga, na vin̄ombelo vyeni vya cizango, na va ntwatwa va ku vutanga vwa vi muna veni.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.