Kulava 15:29 - Livulu lya Shukulu Kalunga

²⁹ Mukakala na lishiko limolika kuli uje avulumwina ku nzimba nambe kaIsalele, nambe muka-kwija uje alinakukala akati kavo.

Kulava 15:29 Iomraidhean Croise

1 Vimyene 8:41

“Omo muka-kwija, atunda ku lifuti lya kulyala aziva lutsimo lwove, na vyuma vyakama vije viwunalingila vanu vove,

Kutuuka 12:49

Kukakala lishiko limo kuli vanu va Isalele na kuli vaka-kwija ava vanatungu akati keni.”

VaLevi 16:29

“Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 17:15

“Munu woshe-iwoshe, nambe kaIsalele, nambe muka-kwija, uje alya situ ya kasitu wakulitsila, nambe wakutsiya ku vikashama, napande kukusha vuzalo vwendi, co ajwele a muvila wendi, co akapwa wakujeneka kujela noo ku cingwezi, asinoni akajela.

VaLevi 4:2

aleke vanu va Isalele ngwendi, “Nga munu woshe uje alinga vuvi oloni kayongwele kuvulinga nakupokola lishiko limo lya mashiko a Shukulu Kalunga, napande kunyunga lishiko lyakukombelela a vuvi vwendi.

Kulava 15:15

Co mbunga yoshe vakakale na vizilika vimolika, kuli yeni na kuli muka-kwija uje alinakukala akati keni. Evi vikevyo vizilika vya ku myaka yoshe mu visemwa vyeni vyoshe. Neni na vaka-kwija munapu mumolika ku mesho a Shukulu Kalunga.

Kulava 15:28

Co kuje ku mutula muka-kukombelela akajelesa uje munu navulumuna mulonga wa ku nzimba, co vakamusambesa.

Kulava 15:30

“Oloni munu woshe uje alinga vuvi na kapopolwezi, nambe kaIsalele, nambe muka-kwija, ali na mulonga wa kushaula Shukulu Kalunga, co vakamutsiye,

Kulava 9:14

“Nga muka-kwija alinakukala akati keni ashaka kunyunga Ciwano ca Pasovala, ikeye napande kucinyunga ngwe kukushika kwa lishiko lyaco. Lishiko eli valimikila munu na munu, nambe muka-kwija nambe vavenya lifuti.”

Luka 12:48

Oloni ngamba uje kazivuka vyashaka shukulu yendi, co alinga vije kuvyamupandele vakamupupa makote amandondo. Woshe uje ivanaana vyavingi kuli ikeye lalo vakatonda vyavingi, co kuli uje ivanasezela vyavingi ikeye lalo vakamwihula vyavingi.

Yoshwa 8:33

Co vaIsalele, na vantwama vavo, na vamyata vavo, na maako vavo, na vaka-kwija vaje vakele akati kavo, vemanene ku mitambela ivali ya Cikasa ca Cikumiiyo ca Shukulu Kalunga, nakukenga shwii kuli vaLevi vaka-kukombelela vaje vambatele Cikasa. Co litambelo lya vanu vakengesele vinima vyavo ku Munkinda wa Ngelizime, co litambelo likwavo vakengesele vinima vyavo ku Munkinda wa Evale ngwe muje Mosesa ngamba ya Shukulu Kalunga wavashikile kulinga omo simbu yetele ngeci vanu va Isalele vatambule vivezikiso.