Kulava 15:25 - Livulu lya Shukulu Kalunga

²⁵ Co muka-kukombelela akaambesa mbunga ya vanu va Isalele nakuvasambesa omwo mulonga unapwile wa ku nzimba, co vakevo vanatwala n̄ombelo yavo ya a vuvi ngwe n̄ombelo ya vyakulya kuli Shukulu Kalunga omwo nzimba yavo.

Kulava 15:25 Iomraidhean Croise

Muka-kwambulula 5:6

Kesi utave majwi ove akutwamenene mu vuvi, ngecivene, leka muka-kukombelela wa Njambi ngwove, “Kesi mukemwo njayongwele.” Njambi asa kunyongesa vyuma vyoshe vije wapangelele, ngecivene, kesi wendeke cuma cije ciluvalesa Njambi.

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:26

Asinoni akenyekele mazi oshe a cimuna a mutula, ngwe mwakenyeka mazi a vimuna vakutsiila a milambu ya kulitombola. Co mu ngila eyi muka-kukombelela akaambesa uje ntwama ku vuvi vwendi, co vakamusambesa.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:35

Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Vilinga vya Miluwa 13:39

Co munapande kuzivuka ngeci woshe uje akulaela kuli ikeye napatuka ku vivi vyoshe kuje Lishiko lya Mosesa kulyasele kumipatuka.

Loma 3:25

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu,

Kwituluka mu Mashiko 21:21

Co vanalume voshe va muje mu nganda vakamwashe mamanya nakumutsiya, co yeni mukatundisa vuvi vwa cifwa eci akati keni. Vanu voshe va mu Isalele vakaziva evi vivanalingi, co vakakala na lyova.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.