Kulava 15:20 - Livulu lya Shukulu Kalunga

²⁰ Omo mukatika makende a vunga vwakulivanga vwa ku vimbuto vyaviha, co mutambela wa mukasha wa makende wakulivanga mukautwale ngeci ukapwe mulambu wakama kuli Shukulu Kalunga.

Kulava 15:20 Iomraidhean Croise

Nehemiya 10:37

Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

Kutuuka 23:19

“Mukanena vimbuto vije mwateje akulivanga ku njuvo ya Shukulu Kalunga Njambi yeni a mwaka na mwaka. “Kesi mukateleke muna manga nambe muna membe na mavele a vainavo embwe.

Kutuuka 34:26

“Co a mwaka na mwaka neneni ku Njuvo ya Shukulu Kalunga Njambi yeni vimbuto mwateje akulivanga. “Kesi muteleke muna manga nambe muna membe na mavele a vaina embwe.”

Ezekiyele 44:30

Vaka-kukombelela vakatambula vije vyavivwa vyoshe, vya kuteja akulivanga, na vyuma vyoshe vyeka vije vivakanena kuli yange. A simbu na simbu ije vanu voca makende, vanapande kwana vaka-kukombelela likende lyakulivanga kwoca kupwa mulambu, co vivezikiso vyange vikakala a vinjuvo vyavo.

VaLevi 2:12

Mulambu wa vimbuto vya mushoke vije vimukateja a mwaka na mwaka mukaunene kuli Shukulu Kalunga, oloni kesi mukawenyekele a mutula.

VaLevi 2:14

“Omo munena mulambu wa vimbuto vya mushoke kuli Shukulu Kalunga, lambuleni vimbuto vyakwoca nambe vunga vwakulola.

VaLevi 23:10

“Leka vanu va Isalele ngwove, omo mwija mu lifuti lije lyakamyana Shukulu Kalunga, omo mukateja vimbuto vyeni, twaleni mukuta wakulivanga umunateje kuli muka-kukombelela.

VaLevi 23:20

Co muka-kukombelela akavitwala amo na makende a vimbuto vyakulivanga vije vanatejele, kupwa mulambu kuli Shukulu Kalunga, amo na vaje vana va vimanga vavali. Milambu eyi inapu yakujela kuli Shukulu Kalunga, ikapwa ya muka-kukombelela.

Kulava 15:21

Ku visemwa vyeni vyoshe vya kulutwe, mukakombelela n̄ombelo eyi kuli Shukulu Kalunga ya makende eni akulivanga kutika.

Kulava 18:12

“Njinamyana vyoshe vije vyavivwa manene, evi vinapu mazi a olive amavwa, na vinyu vyavivwa, na vimbuto vije vakateja vaIsalele akulivanga a mwaka na mwaka.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Loma 11:16

Nga mbazuvwila yakulivanga ya likende vayana kuli Njambi, ngecivene, na mukasha woshe wamutunu unapu wendi lalo, nga mizi ya muti vaikombelela kuli Njambi, co na minango lalo inapu yendi.

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

Kwituluka mu Mashiko 14:22

“Mukaangununa cavulikumi ku vyoshe vije mukateja mu mahya eni a mwaka na mwaka.

Kwituluka mu Mashiko 14:23

Co mukavilila ku mwela wakulemesela uje waangula Shukulu Kalunga Njambi yeni. Co kuje mukalya cavulikumi ca vimbuto vyeni, na vinyu, na mazi a olive, na vingombe veni vakulivanga kusemuka, na vimanga veni vakulivanga kusemuka. Mukalinga eci ngeci mukalilongese kusingimika Shukulu Kalunga Njambi yeni simbu yoshe.

Kwituluka mu Mashiko 16:13

“Mukanyunga Ciwano ca Mapapela a matangwa atanu na avali omo mukongulula vimbuto vyeni vya ku lijungwilo, na vinyu vyeni vyakukamuna.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.