Kulava 14:9 - Livulu lya Shukulu Kalunga

⁹ Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Kulava 14:9 Iomraidhean Croise

Kushangumuka 48:21

Asinoni Yakomba wendekele kuli Yosefa ngwendi, “Ngwe muwamono, yange njili muyehi na kutsa, oloni Njambi ali nove amo. Ikeye akakwilwisila lalo ku lifuti lya vakukulwila vove.

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

2 Mizimbu 32:8

Ikeye ali na nzili ya vunu, oloni yetu tuli na Shukulu Kalunga Njambi yetu ikeye atukwasa kulwa nzita yetu.” Co vanu vakanyamene omwo majwi endekele mwene yavo.

Nehemiya 4:14

Njamwene ngeci vanu vakele na cishota-mbunge, ngecivene, njendekele kuli vakevo, na kuli vantwama vavo, na kuli vamyata ngwange, “Kesi muzivile lyova vitozi vetu. Anukeni ngeci Shukulu Kalunga wapwa wakama wakukomokesa, co lwileni vavushoko vweni, na vana veni, na vanakazi veni, na vinjuvo vyeni.”

Myaso 106:24

Vanu vayeluwisile lifuti lije lyalivwa, kuvakulaelele cikulaeso ca Njambi.

Myaso 121:5

Shukulu Kalunga ikeye muka-kukunyunga, ali kuyehi nove mukukunyunga.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:8

Ijeni mumone vipangi vyanapanga Shukulu Kalunga! Kengeni vyuma vyakukomokesa vije vyanalingi asi.

Myaso 74:14

yove watsenene mutwe wa cikashama Levyatane, co waanene situ yendi kupwa vyakulya vya tusitu va mu mambo.

Myaso 91:1

Woshe uje yanamena Shukulu Kalunga, woshe uje yanyunga Muka-nzili yoshe,

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.

Njelemiya 48:45

Vaka-kwija vakuzeya vakavanyungila mu Heshevone, nganda ije yashwanene laja Mwene Sihone, oloni inashwama na milangi ya tuhya. Tuhya tuje tunenyeka vimpaka na minkinda yailaja ya vanu va ku Mowavi vaje vazema nzita.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Kulava 13:30

Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”

Kulava 17:6

Ngecivene, Mosesa walekele vanu va Isalele, co vantwama vavo voshe vamwanene milamu yavo, umo ku ntwama na ntwama ngwe ku vakukulwila vavo, milamu yoshe amo na mulamu wa Alone yapwile likumi na ivali.

Kulava 20:2

Co kukwakele mema kuje vatulilile, ngecivene, vanu va Isalele voshe valikungulwile nakulinyenyetela kuli Mosesa na Alone.

Kulava 24:8

Njambi wavatundisile mu Ingito, ikeye akavalwila ngwe mpakasha. Ikeye akazilisa vitozi vavo, nakupokozola vitsiya vyavo, nakuvapokozola mikili yavo.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 1:21

Co kengeni, Kalunga Njambi yeni namyana lifuti eli ngeci mukakovelemo nakulishwana omwo linapu lyeni ngwe muje mwamishikile Shukulu Kalunga Njambi ya vakukulwila veni. Co kesi mukazive lyova nambe kujujuka.’

Kwituluka mu Mashiko 1:26

“Nameme ngoco yeni mwavyanene kuyamo oloni mwatengulukilile kushika kwa Shukulu Kalunga Njambi yeni, co kumukasa kukovela mu lifuti lije embwe.

Kwituluka mu Mashiko 1:29

“Oloni yange njamilekele ngwange, ‘Kesi mujujuke nambe kuvazivila lyova embwe.

Kwituluka mu Mashiko 31:6

Koleseni nakusimpa. Kesi mukavazivile lyova nambe kulijujukila embwe, omwo Shukulu Kalunga Njambi yeni akakala amo neni. Ikeye kakonwa nambe kumiseza eni lika embwe.”

Kwituluka mu Mashiko 31:8

Shukulu Kalunga vavenya akamitwamenena, co akakala amo neni. Ikeye kakonwa nambe kumiseza. Ngecivene, kesi mukazive lyova nambe kujujuka.”

Kwituluka mu Mashiko 32:42

Mikili yange ikandweka na maninga avo, co mukwale wange ukatsiya voshe vaje vaka-kunjipopolola. Naumo wai injikayoyesa akati ka vaje vaka-kunjilwisa, nameme vishwalonda na vinzinda vakatsa.’

Kwituluka mu Mashiko 7:18

Kesi mukavazivile lyova. Mukanuka vije vyalingile Shukulu Kalunga Njambi yeni kuli mwene wa Ingito, na kuli vanu vendi voshe.

Kwituluka mu Mashiko 7:21

Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Maako 1:22

Vanu va miyati ya Efalime na Manase vaile mukulwisa nganda ya Mbetele, co Shukulu Kalunga wakele amo navo.