Kulava 14:8 - Livulu lya Shukulu Kalunga

⁸ Nga Shukulu Kalunga atava, co akatutwala mu lifuti lije nakutwanalyo, lifuti lije lya vufuko na vwilo nevi vyakujenekamo vyai.

Kulava 14:8 Iomraidhean Croise

2 Samwele 22:20

Wanjikwasele nakunjitundisa mu vushonde, wanjamenene omwo wavwaelelele nange.

1 Vimyene 10:9

Vashangazale Shukulu Kalunga Njambi yove! Nakumwesa kuvwaelela kwendi akukupwisa mwene wa mu Isalele. Omwo cizemo cendi a Isalele cije kucesi kutenguluka, ikeye nakupwisa mwene yavo ngeci unyunge mashiko na vushunga.”

2 Vimyene 18:32

noo mwene namyaka mu lifuti lyakulifwa ngwe lyeni, muje muli vitungu vya mikolovozi ya vushuka vwa vinyu, na tiliku yakulinga vunga vwa makende, likelyo lifuti lya olive na mazi a olive na vuki. Nga mulinga evi vyamishika, kumukatsi, oloni mukayoya. Kesi mutave Hezekiya amikwise akuyongola ngeci Shukulu Kalunga akamipatula.

Myaso 22:8

Co vendeka ngwavo, “Yove wakulaelele kuli Shukulu Kalunga, omwo vikajo lalo kakwamena? Nga Shukulu Kalunga wakushaka, vikajo kakukwasela?”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Njelemiya 32:41

Co njikavwaelela kulinga vyuma vyavivwa kuli vakevo, co njikavaka mu lifuti lino ku myaka yoshe.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Kulava 13:27

Co valekele Mosesa ngwavo, “Tunakanengele mu lifuti muje muwatutumine, tunakawana ngeci likelyo linapu lya vufuko na vwilo nevi vyakujenekamo vyai, co ovu vukevwo vushuka vwamwo.

Kulava 16:14

Co lalo kuwatunenele mu lifuti lyalivwa lya vwilo nevi vyakujenekamo vyai, nambe kutwana mahya na vitungu vya mikolovozi ya vushuka vwa vinyu ngeci vipwe vushwana vwetu. Yove wayongola ngwove wasa kufwika mesho a vanu ava ndi? Yetu shetu kutwijako!”

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 10:15

Nameme ngoco Shukulu Kalunga wazemene vakukulwila veni manene, ngeci waangwile yeni vene vatekulwila vavo kutuvakana vanu veka.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”