Kulava 14:34 - Livulu lya Shukulu Kalunga

³⁴ Ngwe kulava matangwa makumi awana aje mwakanengele lifuti, ngecivene, mukayanda myaka makumi awana omwo vilinga vyeni vyavivi. Litangwa limo linapu mwaka umo, co matangwa makumi awana anapu myaka makumi awana. Co mukanjizivuka akumilwisa.

Kulava 14:34 Iomraidhean Croise

1 Vimyene 8:56

“Shangazaleni Shukulu Kalunga uje naana kwoloka ku vanu vendi, ngwe muje mwakulaesele. Ikeye nanyungu vikulaeso vyoshe vije vyakulaesele muli ngamba yendi Mosesa.

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Myaso 105:42

Njambi wanukile cikulaeso cendi cakujela, kuli ngamba yendi Avilahama.

Myaso 38:4

Omwo vuvi vwange vunanjihyana, cihiso cange cinanjihyana kutuvakana nzili yange.

Myaso 77:8

Kuma cizemo cendi cije kucesi kutenguluka cinahu ndi? Kuma vikulaeso vyendi vinahu ku myaka yoshe ndi?

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Ezekiyele 14:10

Muvuvali vwavo muka-kwimanena na uje namwihula vakavanyanyamesa mu cifwa cimolika.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Ezekiyele 4:5

ca vuvi vwa Isalele matangwa akupwa 390, litangwa limo a mwaka umo na umo wakuvanyanyamesa noo cihiso cikahwa.

Ezekiyele 4:6

Omo unamanesa kulalela ku cimoshwe, co tengulukila ku mutambela wa livoko lyove lya cilyo, nakwambata lalo cihiso ca Yunda a matangwa makumi awana, litangwa limo a mwaka umo na umo wakuvanyanyamesa.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

VaLevi 20:19

“Nga munu alala na vaten̄azi yendi nambe ndokazi ya vaina, ngongo yavo muvuvali vwavo vanalivikila.

Zakaliya 11:10

Asinoni njanonele mulamu uje njatumbwile ngwange, “Ngozi,” co njaupokwele, mukuzimangana cikumiiyo cije calikumiiye Shukulu Kalunga na miyati yoshe.

Kulava 13:25

Co omo matangwa makumi awana ahwile, velukile kutunda kukunenga lifuti.

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kulava 32:13

Co Shukulu Kalunga waluvalele na vanu va Isalele, wavendanganesele mu mambo myaka makumi awana, noo cisemwa coshe cije calingile vuvi ku mesho a Shukulu Kalunga vanyongele.

Vilinga vya Miluwa 13:18

co wavanyungile mu mambo myaka makumi awana.

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

VaHevelu 4:1

Ololo, Njambi natusezela cikulaeso ngeci tukakovele mukuhwima kuje kwendekele. Ngecivene, nyanyameni kutewa akati keni akakala umo kakakovela mukuhwima kuje kwanatukulaesa.

Yoshwa 14:10

Co ololo kenga, Shukulu Kalunga nanjinyungu. Njinayoyo myaka makumi awana na myaka itanu tunde a simbu ije Shukulu Kalunga wendekele kuli Mosesa majwi awa, omo vaIsalele vakele nakwendangana mu mambo. Ngecivene, ololo kenga njili na myaka makumi atanu na atatu na myaka itanu.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.