Kulava 14:33 - Livulu lya Shukulu Kalunga

³³ Co vana veni vakapwa tunyungi, vakendangana mu mambo myaka makumi awana, vakayanda omwo kukulaela kweni, kuvanga noo yeni voshe munatsi njwa.

Kulava 14:33 Iomraidhean Croise

Myaso 107:4

Vamo vendanganene mu mambo mu ngila yakulamba, kuvawanene ngila yakuya mu nganda ngeci vakakalemo.

Myaso 107:40

Shukulu Kalunga washawisile vanu vaje vayandesele vanu vendi, co wavendanganesele mu mambo mu vingila vyakulamba.

Myaso 78:33

ngecivene, wakeesele matangwa ngwe mbundu, co wamanesele kuyoya kwavo vwasi-vwasi.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Kulava 32:13

Co Shukulu Kalunga waluvalele na vanu va Isalele, wavendanganesele mu mambo myaka makumi awana, noo cisemwa coshe cije calingile vuvi ku mesho a Shukulu Kalunga vanyongele.

Kulava 33:38

Akushika kwa Shukulu Kalunga, Alone muka-kukombelela walamatele ku Munkinda wa Hole, co wakatsililile kuje vene, a litangwa lyakulivanga ku ngonde yamucitanu mu mwaka wamumakumi awana omo vaIsalele vanatundu laja mu Ingito.

Kulava 5:31

Co munalume akasamba ku vuvi vuje, oloni munakazi nga ali na mulonga, co ngongo yendi ikeye vavenya.”

Vilinga vya Miluwa 7:36

Ikeye watundisile vanu mu Ingito, co walingile vizivukiso na vikomokeso mu Ingito na ku Lishali Lyakuvenga na mu mambo lalo a myaka makumi awana.

Kwituluka mu Mashiko 1:3

A litangwa lyakulivanga ku ngonde yamulikumi na imo mu mwaka wamumakumi awana omo vanu va Isalele vanatundu laja mu Ingito, Mosesa wavalekele vyoshe vije vyamushikile Shukulu Kalunga kuvalekavyo.

Kwituluka mu Mashiko 2:14

Ngecivene, kutunda a simbu ije twatundile ku Kandeshe Mbaleneya kweta a simbu ije twajavukile Ndonga ya Zelende yapwile myaka makumi atatu na itanu na itatu, noo cisemwa coshe ca vanalume vaje vaka-kulwa nzita vanyongele ngwe muje mwalisingile Shukulu Kalunga kuli vakevo.

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

Kwituluka mu Mashiko 29:5

A myaka makumi awana Shukulu Kalunga wamitwamenenene mukati ka mambo. Vuzalo vweni kuvwatavozokele, na vin̄aku vyeni kuvyatsile.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Kwituluka mu Mashiko 8:4

Vyakuzala vyeni kuvyakuluvalele, na mendi eni kuwazimbile a simbu ije ya myaka makumi awana.

Yoshwa 14:10

Co ololo kenga, Shukulu Kalunga nanjinyungu. Njinayoyo myaka makumi awana na myaka itanu tunde a simbu ije Shukulu Kalunga wendekele kuli Mosesa majwi awa, omo vaIsalele vakele nakwendangana mu mambo. Ngecivene, ololo kenga njili na myaka makumi atanu na atatu na myaka itanu.

Yoshwa 5:6

VaIsalele vendele mu mambo myaka makumi awana, noo cisemwa coshe ca vanalume vaje vasele kuya ku nzita vaje vatundile ku Ingito vanyongele, omwo kuvononokele Shukulu Kalunga. Ngwe muje mwalisingile ikeye kavatavele ngeci vakamone lifuti lije lyalisingile na vakukulwila vavo kuvanalyo, lifuti lyalivwa lya vwilo, nevi vyakujenekamo vyai.