Kulava 14:3 - Livulu lya Shukulu Kalunga

³ Omwo vikajo Shukulu Kalunga natunenela muno mu lifuti ngeci tutse ku nzita? Vanakazi vetu na vana vetu vakavafungulula. Kuma kutwasa kwiluka ku Ingito ndi?”

Kulava 14:3 Iomraidhean Croise

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Myaso 78:40

Visimbu vyavingi vamutengulukilile mu mambo, nakumuvavalesa ku mbunge!

Kutuuka 16:3

co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Kutuuka 5:21

Vendekele kuli Mosesa na Alone ngwavo, “Shukulu Kalunga amone vimunalingi, co amihise omwo munatuzindisa kuli mwene na vantwama vendi. Yeni munavana moko yakututsiisa.”

Njelemiya 42:14

co nga mwendeka ngweni, ‘Embwe, tukaya nakukala mu Ingito, muje kutukamono nzita lalo, nambe kuziva malupembo, nambe makende,’

Njelemiya 42:19

Co njendekele ngwange, “Shukulu Kalunga namileka yeni mwasalao mu Yunda ngwendi kesi muye lalo ku Ingito. Co yange njilinakuminangula ngwange

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Kulava 11:20

oloni mukailya ngonde yoshe yamutunu, noo mukayenukwa. Eci cikalingiwa omwo yeni munavyana Shukulu Kalunga ou ali akati keni, co munalinyenyetelele kuli ikeye ngweni omwo vikajo twatundilile mu Ingito!’ ”

Kulava 16:13

Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi?

Kulava 20:3

Vanu valinyenyetelele kuli Mosesa vendekele ngwavo, “Mwamuvwa vene nga netu twatsililile kulutwe lwa Mbalaka ya Shukulu Kalunga ngwe muje vatsile vavushoko vwetu va Isalele!

Kulava 21:5

co valinyenyetele nakutengulukila Njambi na Mosesa ngwavo, “Vikajo mwatutundisilile mu Ingito ngeci tutsile muno mu mambo? Omwo muno kumwesi vyakulya nambe mema ayi. Yetu tunenukwa na vyakulya vy acifwa cangacije!”

Vilinga vya Miluwa 7:39

“Oloni vakukulwila vetu vavyanene kumwononoka, oloni vamunakwilile kumukulo vashakele ngeci veluke lalo ku Ingito.

Kwituluka mu Mashiko 1:39

“Co Shukulu Kalunga wendekele kuli yetu voshe ngwendi, ‘Vana veni vavandondo vaje mwendekele ngweni vakavafungulula ku vitozi veni vaje kanda vacikale na mana akwangula vyavivwa nevi vyavivi, vakevo vakakovela mu lifuti lije. Co njikavana lifuti lije ngeci vakatungemo.