Kulava 14:24 - Livulu lya Shukulu Kalunga

²⁴ kuvanga ngamba yange Kalembi omwo ikeye ali na viyongola vyeka, co ikeye wapwa wa kulongwa. Njikamutwala mu lifuti lije lyakanengele, co vatekulwila vendi vakashwana lifuti lije mu vyana vyalyo mwakala vaAmaleke na vaKanana.

Kulava 14:24 Iomraidhean Croise

1 Mizimbu 29:18

Yove Shukulu Kalunga Njambi ya vakukulwila vetu va Avilahama, na Isake, na Yakomba, nyunga viyongola vyakulinga ngeci mu vimbunge vya vanu vove na kwaka vimbunge vyavo kuli yove.

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 25:2

Walingile vije vyavwaelelesele Shukulu Kalunga, oloni kavilingile na mbunge yendi yoshe embwe.

Myaso 119:145

Njilombela kuli yove na mbunge yange yoshe, njikumbulule Shukulu Kalunga, co njikononoka mashiko ove.

Myaso 119:80

Mbunge yange ipwe ya vushunga ku mashiko ove, ngeci kesi njizive shwamwa.

Visimo 23:26

Munange tolilila mwamuvwa, kuyoya kwange kupwe cimweso kuli yove.

Kulava 13:30

Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”

Kulava 14:30

Naumo wai akovela mu lifuti lije njamikulaesele kumyanalyo, kuvanga lika Kalembi muna Njefune, na Yoshwa muna Nune.

Kulava 26:65

Omwo Shukulu Kalunga wendekele na vanu va Isalele ngwendi, “Mwa vushunga vene muvavoshe mukatsila muno mu Mambo, naumo wai akasalao, kuvanga lika Kalembi muna Njefune, na Yoshwa muna Nune.”

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Efeso 6:6

Lingeni eci kesi omo valinakumikengelela, omwo mushaka kuvwaesa ku vimbunge vyavo embwe, oloni na vimbunge vyeni vyoshe lingeni vije vyashaka Njambi, ngwe vindungo va Kilistu.

Kwituluka mu Mashiko 1:36

Kuvanga Kalembi muna Njefune, ikeye akakovelamo. Ikeye lika wa kulongwa kuli yange, co njikamwana ikeye na vatekulwila vendi lifuti lije lyakanengele.’

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Kolose 3:23

Vyoshe mupanga, vipangeni na mbunge yeni yoshe, ngwe mulinakuvipangela Mwene, kesi vanu.