Kulava 14:14 - Livulu lya Shukulu Kalunga

¹⁴ co vakevo vakambulula kuli vanu ava vakala mu lifuti lino. Omwo vanazivi laja ngwavo yove Shukulu Kalunga uli netu, omwo yove Shukulu Kalunga tukakumono mesho na mesho, na lishelwa lyove likemana akamwa yetu. Co yove lalo ukatwama kulutwe lwetu mu manda ya lishelwa ku mutanya na mu manda ya tuhya ku vutsiki.

Kulava 14:14 Iomraidhean Croise

Kushangumuka 32:30

Yakomba wendekele ngwendi, “Njamono Njambi mesho na mesho, kuma njiciyoya!” Co walukile lizina lya uje mwela Penyele.

Nehemiya 9:12

Ku mutanya wavatwamenenene na lishelwa, co ku vutsiki watwisile ceke ca tuhya mu ngila yavo.

Nehemiya 9:19

Oloni kuwavasezele muje mu mambo, omwo ngozi yove yapwa yakama. Kuwatundisile lije lishelwa nambe tuhya, vije vyavamwesele ngila ku mutanya na ku vutsiki.

Myaso 105:39

Njambi waakele lishelwa akamwa ya vanu vendi, na tuhya twakuvatwila ceke ku vutsiki.

Myaso 78:14

A simbu ya mutanya wavatwamenenene na lishelwa, co a simbu ya vutsiki wavatwamenenene na ceke ca tuhya.

Kutuuka 15:14

Miyati ya vanu vaje vazivileko vajajele omwo lyova, vaFilisitiya vavupukile na lyova lyakukomokesa.

Kutuuka 33:11

Co Shukulu Kalunga wakele nakwendeka na Mosesa mesho na mesho, ngwe munu alinakwendeka na musamba wendi. Asinoni Mosesa welukile ku cilombo. Oloni uje mukwenje mukwasi wendi Yoshwa muna Nune, ikeye kakele nakutundamo muje mu Mbalaka.

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Kutuuka 40:38

Co simbu yoshe mu vungenzi vwavo vwoshe vamwene lishelwa lya Shukulu Kalunga akamwa ya Mbalaka a simbu ya mutanya, co tuhya twakele nakushukuma mu lishelwa a simbu ya vutsiki ku mesho a vanu voshe va Isalele.

Kulava 10:34

Omo vatundile mu cilombo, co lishelwa lya Shukulu Kalunga lyakele akamwa yavo ku mutanya.

Kulava 12:8

Co njikendeka nendi citona-mesho kesi mu tusau embwe, na ikeye namono laja cifwa cange! Omwo vikajo kumwesi na lyova akufweya ngamba yange Mosesa?”

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

1 Kolinte 13:12

Evi tulinakumona ololo tuvimona a kalikengelo ngwe kavwivwi, oloni kulutwe tukamona mesho na mesho. Vije njazivuka ololo vinapu vyavindondo, oloni kulutwe vikapwa vyakushula mwa vushunga, vikapwa vyakushula ngwe muje mwananjizivukisilavyo Njambi.

Kwituluka mu Mashiko 1:19

“Twalingile vije vyatushikile Shukulu Kalunga Njambi yetu. Twatundile ku Munkinda wa Sinai, twetile mukati ka mambo yakama yakutewesa mu ngila yakwita mu lifuti lya malundu lya vaAmoli, co twetele ku Kandeshe Mbaleneya.

Kwituluka mu Mashiko 34:10

Co tunde aje kukwakele lalo muka-kwimanena weka mu Isalele wakulifwa ngwe Mosesa wai, omwo Shukulu Kalunga wendekele kuli ikeye mesho na mesho.

Kwituluka mu Mashiko 5:24

vendekele ngwavo, ‘Shukulu Kalunga Njambi yetu natumwesa vukama vwendi na vumpau vwendi omo tunazivi lijwi lyendi alinakwendeka mukati ka tuhya! Co lelo oni twamono ngeci ngwetu kuma munu asa kuyoya nameme Njambi endeka kuli ikeye.

Kwituluka mu Mashiko 5:4

Co kuje ku munkinda Shukulu Kalunga wendekele neni mesho na mesho oku ali mukati ka tuhya.

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.