Kulava 13:33 - Livulu lya Shukulu Kalunga

³³ Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kulava 13:33 Iomraidhean Croise

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

1 Mizimbu 11:23

Co lalo watsiile munalume umo wa kaIngito, munalume wa kutunuka uje watuvakanene mamita avali mu vulaja vwendi, co wakele na likunga lya muyunda mu livoko lyendi. Co Mbenaya wamulwisile na mulamu wendi, wanyangwile likunga mu livoko lya kaIngito, wamutsiisilevyo.

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

Kulava 13:28

Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje.

Kulava 14:1

Mbunga ya vanu va Isalele valilile vutsiki vwoshe omwo ya vukalu vwavo.

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 2:10

(Laja mu nganda ya Ale mwakele makisi-kisi vaje vavatumbwile ngwavo vaEmime, vakevo vapwile vanu vavalaja manene na nzili ngwe vaAnakime, muyati ukwavo wa makisi-kisi.

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)

Kwituluka mu Mashiko 9:2

Co vanu vamwo vapwa vavalaja na nzili, vakevo vatekulwila va makisi-kisi, mwavazivuka laja ngwavo naumo wai asa kulwa navo nakuvafungulula.

Yoshwa 11:21

A simbu ije Yoshwa waile nakunyongesa muyati wa makisi-kisi vaje vavatumbwile ngwavo vaAnakime, vaje vakele mu lifuti lya malundu mu Hevelone, na Ndembile, na Anambe, na mu malundu a lifuti lya Yunda mwoshe na mu lifuti lya malundu lya Isalele lyoshe. Co Yoshwa wavanyongesele voshe amo na vinganda vyavo.

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Yoshwa 15:14

Co muje mu nganda Kalembi washekelemo vatekulwila va Anake, vikota vya Sheshai, na Ahimane, na Talemai.

1 Samwele 17:24

Omo vaIsalele vamwene Ngolyata, co vazivile lyova lyakama, vatewele.

1 Samwele 17:42

co omo uje kaFilisitiya wakengele, wamwene Ndaviti, co wamushawile, omo Ndaviti wapwile mukwenje wamuvwa, wa citso cacivwa.