Kulava 13:31 - Livulu lya Shukulu Kalunga

³¹ Oloni vaje vanu vaile na Kalembi vendekele ngwavo, “Embwe! Yetu kutwasa kuya nakulwa omwo vaje vanu vali muje vali na nzili manene kutuvakana yetu.”

Kulava 13:31 Iomraidhean Croise

Kulava 13:30

Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”

Kulava 32:7

Omwo vikajo mwonwesa vanu va Isalele kujavuka Ndonga ya Yondau nakuya ku lifuti lije lyanavana Shukulu Kalunga?

Kulava 32:9

Omo vaile nakweta ku Cana ca Eshekole, vamwene lifuti, oloni omo velukile, vonwesele vimbunge vya vanu kukakovela mu lifuti lije lyavanene Shukulu Kalunga.

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 9:1

“Tolilileni yeni vanu va Isalele! Ku litangwa lya lelo muli kuyehi nakujavuka Ndonga ya Yondau, nakushwana lifuti lije lya miyati ije yakama ya nzili kutuvakana yeni. Vinganda vyavo vyakama, vili na vivumbe vyaketa ndo na kwilu.

VaHevelu 3:19

Ngecivene, tumona ngeci kuvasele kukovela mu lifuti omwo kuvakulaelele.

Yoshwa 14:8

Oloni vaje vanu njaile navo, nameme vakevo vazivisile lyova vanu vetu, oloni yange njakulaelele nakwononoka Shukulu Kalunga Njambi yetu na mbunge yange yoshe.

1 Samwele 17:33

Saulu wamukumbulwile ngwendi, “Embwe, vatijo ukalwa nendi? Kuma yove ucili u mwanike, ikeye wapwa lishwalale mukuyoya kwendi kwoshe!”