Kulava 13:29 - Livulu lya Shukulu Kalunga

²⁹ VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”

Kulava 13:29 Iomraidhean Croise

Kushangumuka 14:7

Co vatengulukile nakwiluka ku Kandeshe, a simbu ije vaitumbwile ngwavo Enemishepate. Vafungulwile lifuti lyoshe lya vaAmaleke nakufungulula vaAmoli vaje vakele mu Hazazone Tamale.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Myaso 83:7

na vanu va ku Ngembale na vanu va ku Amoni, na vanu va ku Amaleke na vanu va ku Filisitiya na vanu va ku Tile.

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kulava 13:17

Omo Mosesa wavatumine nakunenga lifuti lya Kanana, co wendekele kuli vakevo ngwendi, “Lamateni ngila ya ku kunto ije iya ku mutambela wa lifuti lya ku mbwela ya Kanana, co lamateni ku lifuti lya malundu.

Kulava 13:30

Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”

Kulava 14:25

Ilukeni imene muye mu mambo ku mutambela wa Linema lya Akava.”

Kulava 14:43

Omwo kulutwe lweni kuli vaAmaleke, na vaKanana, mukatsila mu nzita. Omwo mwavyana kukavangeya Shukulu Kalunga, co kakakala neni embwe.”

Kulava 14:45

VaAmaleke na vaKanana vaje vakele mu lifuti lya malundu vashelumukile nakulwisa vaIsalele nakuvafungulula, co vavashekele na ku Holema.

Kulava 24:20

Co mu cimona cendi Mbalame wamwene vaAmaleke, co wambulwile vuka-kwimanena vwendi ngwendi, “Amaleke vapwile muyati wa nzili ku miyati yoshe, oloni akukotoka vakanyonga njwa.”

Kwituluka mu Mashiko 20:17

Oloni mukavanyongesa voshe njwa! VaHiti, na vaAmoli, na vaKanana, na vaPelezi, na vaHivi, na vaNjevushi mukavanyongesa voshe, ngwe mwanamishiki Shukulu Kalunga Njambi yeni,

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Yoshwa 10:5

Ngecivene, vimyene vaje vatanu va vaAmoli, mwene wa ku Yelusalema, na mwene wa ku Hevelone, na mwene wa ku Njalemute, na mwene wa ku Lakishe, na mwene wa ku Engelone valipandakanene amo kulwa nzita, co vazengelekele vaNgimbiyone nakuvalwisa.

Yoshwa 10:6

Co vanalume va ku Ngimbiyone vatumine lijwi kuli Yoshwa ku cilombo ca ku Ngilingale ngwavo, “Shukulu, kesi utukengese nima yetu vangamba vove embwe! Zambulako wakutukwase! Twamene! Vimyene voshe va vaAmoli vanalikumbasana amo nakutulwisa!”

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Yoshwa 9:1

Omo vimyene voshe va mu kangombe ka yambi ya Yondau vazivile ngeci vaIsalele vanahyana, co voshe vaje vakele mu lifuti lya malundu, na mu lifuti lya ku vushelumukilo vwa malundu, na vaje vakele ku ngenge ya Lishali lya Menditelenyani, kutwala ku kunto ya Lembanone, vimyene va vaHiti, na vaAmoli, na vaKanana, na vaPelezi, na vaHivi, na vaNjevushi,

Maako 3:5

Ngecivene, vaIsalele vatungile akati ka vaKanana, na vaHiti, na vaAmoli, na vaPeleze, na vaHivi, na vaNjevushi.

Maako 6:3

Co capwile ngeci, omo vaIsalele vakunine vimbuto vyavo, co vaMindyani, na vaAmaleke, na miyati ya vanu va mu mambo vezile nakuvalwisa.

1 Samwele 14:48

Walwile nakusimpa, co wafungulwile vanu va ku Amaleke. Ikeye waamenene vaIsalele voshe kukuvalwisa.

1 Samwele 27:8

Co tunde a simbu ije, Ndaviti na vanu vendi vaile nakulwisa vaNgeshule, na vaNgilezi, na vaAmaleke, vaje vakele muje simbu yakama manene. Ikeye wakele nakulwisa lifuti lyavo kweta ku Shule, co kutunda kuje nakweta ku Ingito,

1 Samwele 30:1

Omo Ndaviti na vanu vendi vetele ku Zikelange a litangwa lyamucitatu, vaAmaleke vazengelekele ku mbwela ya Yunda, co valwisile Zikelange. Venyekele nganda ya Zikelange,

1 Samwele 7:14

Co vinganda vyoshe vije vafungulwile vaFilisitiya vije vyakele akati ka Ekelone na Ngate vyelukile ku Isalele, co Isalele velwisile lifuti lyavo. Co kwakele kwoloka mukati ka vaIsalele na vaKanana.