Kulava 13:27 - Livulu lya Shukulu Kalunga

²⁷ Co valekele Mosesa ngwavo, “Tunakanengele mu lifuti muje muwatutumine, tunakawana ngeci likelyo linapu lya vufuko na vwilo nevi vyakujenekamo vyai, co ovu vukevwo vushuka vwamwo.

Kulava 13:27 Iomraidhean Croise

Nehemiya 9:25

Vanu vove vafungulwile vinganda vya vimpaka, na lifuti lya vwilo, na vinjuvo vyakushula na vufuko, na masima aje vendilile cimweja, na miti ya olive, na miti ya vushuka, na vitungu vya mikolovozi ya vushuka vwa vinyu. Valile vyoshe vije vivashakele, co vanunile, vavwaelelele mu vyuma vyoshe vyavivwa vije viwavanene.

Kutuuka 13:5

Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga.

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 33:3

Mulinakuya ku lifuti lyalivwa, nevi vyakujenekamo vyai. Oloni yange kunjikai neni amolika, omwo yeni mu vanu vakukaluwa vimbunge, kutewa njikaminyongesela a ngila.”

Njelemiya 11:5

Asinoni njikanyunga cikumiiyo cije njalikumiiye na vakukulwila veni, ngeci njikavana lifuti lyalivwa nevi vyakujenekamo vyai, muje mumuli nakukala ololo.” Co njakumbulwile ngwange, “Ewa Shukulu Kalunga.”

Njelemiya 32:22

Wavanene lifuti eli lyalivwa lya vwilo, ngwe muwakulaesele vakukulwila vavo.

Ezekiyele 20:15

Ngecivene, njalisingile muje mu mambo ngwange kunjikasa kuvatwala ku lifuti lije linjavanene, lifuti lya vufuko na vwilo, lifuti lyalivwa manene kutuvakana mafuti oshe.

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

VaLevi 20:24

Oloni yange njamikulaesele lifuti eli lyalivwa lya vwilo nevi vyakujenekamo vyai kupwa vushwana vweni, co yange njikamyanalyo. Yange njapwa Kalunga Njambi yeni, yange njamyangwile nakumyangununa akati ka miyati yoshe.

Kulava 14:7

Vendekele ku mbunga yoshe ya vanu va Isalele ngwavo, “Lije lifuti tunakanengele lyapwa lifuti lyalivwa manene.

Kulava 14:8

Nga Shukulu Kalunga atava, co akatutwala mu lifuti lije nakutwanalyo, lifuti lije lya vufuko na vwilo nevi vyakujenekamo vyai.

Kulava 16:13

Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi?

Kulava 16:14

Co lalo kuwatunenele mu lifuti lyalivwa lya vwilo nevi vyakujenekamo vyai, nambe kutwana mahya na vitungu vya mikolovozi ya vushuka vwa vinyu ngeci vipwe vushwana vwetu. Yove wayongola ngwove wasa kufwika mesho a vanu ava ndi? Yetu shetu kutwijako!”

Kwituluka mu Mashiko 11:9

Ngecivene, mukakale simbu yakama mu lifuti lije lyakulaesele Shukulu Kalunga vakukulwila veni kulyana kuli vatekulwila vavo, lifuti lyalivwa nevi vyakujenekamo vyai.

Kwituluka mu Mashiko 26:9

Co watunenele kuno nakutwana lifuti lino lyalivwa nevi vyakujenekamo vyai.

Kwituluka mu Mashiko 27:3

Asinoni mukasonekao mashiko oshe awa na vilongesa vyoshe evi. Omo mukakovela mu lifuti lije lyakamyana Shukulu Kalunga Njambi yeni, lifuti lije lyalivwa nevi vyakujenekamo vyai, ngwe muje mwamikulaesele Shukulu Kalunga Njambi ya vakukulwila veni,

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

Kwituluka mu Mashiko 6:3

Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.

Yoshwa 5:6

VaIsalele vendele mu mambo myaka makumi awana, noo cisemwa coshe ca vanalume vaje vasele kuya ku nzita vaje vatundile ku Ingito vanyongele, omwo kuvononokele Shukulu Kalunga. Ngwe muje mwalisingile ikeye kavatavele ngeci vakamone lifuti lije lyalisingile na vakukulwila vavo kuvanalyo, lifuti lyalivwa lya vwilo, nevi vyakujenekamo vyai.