Kulava 13:26 - Livulu lya Shukulu Kalunga

²⁶ Vezile kuli Mosesa na Alone, na ku mbunga yoshe ya vanu va Isalele ku Kandeshe mu mambo ya Palane. Co vambulwile vukaleo vwoshe kuli Mosesa na Alone na ku mbunga ya vanu va Isalele nakuvasholwela vushuka vwa mu lifuti lije.

Kulava 13:26 Iomraidhean Croise

Kushangumuka 14:7

Co vatengulukile nakwiluka ku Kandeshe, a simbu ije vaitumbwile ngwavo Enemishepate. Vafungulwile lifuti lyoshe lya vaAmaleke nakufungulula vaAmoli vaje vakele mu Hazazone Tamale.

Myaso 29:8

Lijwi lyendi lijajesa mambo, ikeye ajajesa mambo ya Kandeshe.

Kulava 13:25

Co omo matangwa makumi awana ahwile, velukile kutunda kukunenga lifuti.

Kulava 13:3

Co Mosesa wavatumine oku vacili mu mambo ya Palane ngwe ku lishiko lya Shukulu Kalunga. Co voshe ava vapwile vantwama va Isalele.

Kulava 20:1

Ku ngonde yakulivanga mbunga yoshe ya vanu va Isalele vetele ku mambo ya Zine, co vatungile cilombo ku Kandeshe. Kuje kwatsililile Milyamu, co vamutsindile kuje vene.

Kulava 20:14

Co ku Kandeshe Mosesa watumine tunganda kuli mwene wa ku Endome ngwendi, “Ndolome yove Isalele nendeka ngwendi, ‘Yove wazivuka vukalu vwoshe vutwayandele,

Kulava 20:16

twatambekele kuli Shukulu Kalunga ngeci atukwase, co wazivile mutambi wetu, watumine kangelo uje watutwamenenene kututundisa mu Ingito. Co ololo tuli ku Kandeshe, nganda ije ili ku nginga ya lifuti lyove.

Kulava 32:8

Omu mukemwo muvalingile vaishweni omo njavatumine ku Kandeshe Mbaleneya nakunenga lifuti.

Kulava 32:9

Omo vaile nakweta ku Cana ca Eshekole, vamwene lifuti, oloni omo velukile, vonwesele vimbunge vya vanu kukakovela mu lifuti lije lyavanene Shukulu Kalunga.

Kulava 33:36

Vatundile ku Eziyone Ngembe, vakatungile cilombo cavo ku Kandeshe mu mambo ya Zine.

Kwituluka mu Mashiko 1:19

“Twalingile vije vyatushikile Shukulu Kalunga Njambi yetu. Twatundile ku Munkinda wa Sinai, twetile mukati ka mambo yakama yakutewesa mu ngila yakwita mu lifuti lya malundu lya vaAmoli, co twetele ku Kandeshe Mbaleneya.

Kwituluka mu Mashiko 1:2

Vungenzi vwakutunda ku Munkinda wa Sinai nakweta ku Kandeshe Mbaleneya a ngila yakwita ku lifuti lya malundu lya Endome vwapwile vungenzi vwa matangwa likumi na limo.

Yoshwa 14:6

Asinoni vanu va ku muyati wa Yunda vezile kuli Yoshwa ku Ngilingale. Umo wa ali vakevo wapwile Kalembi muna Njefune kaKeni, wendekele kuli ikeye ngwendi, “Yove wazivuka vije vyendekele Shukulu Kalunga mu Kandeshe Mbaleneya kuli Mosesa munu wa Njambi ali yove nange.

Yoshwa 14:7

Omo yange njakele na myaka makumi awana, co ngamba ya Shukulu Kalunga Mosesa wanjitumine kutunda ku Kandeshe Mbaleneya kwija nakunenga lifuti lino. Co njatwalele vukaleo vunjamwene na mesho ange.