Kulava 13:22 - Livulu lya Shukulu Kalunga

²² Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

Kulava 13:22 Iomraidhean Croise

Kushangumuka 13:18

Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 23:2

Co watsililile mu Hevelone mu lifuti lya Kanana, ngeci Avilahama walinyengele nakulila manene a kutsa kwa Sala.

2 Samwele 2:1

Munima yevi, Ndaviti wehwile Shukulu Kalunga ngwendi, “Njasa kuya ku nganda imo ili mu vinganda vya Yunda nakuyifungulula ndi?” Co Shukulu Kalunga wamukumbulwile ngwendi, “Eyo.” Ndaviti wehwile ngwendi, “Nganda ikajo?” Co Shukulu Kalunga wamukumbulwile ngwendi, “Hevelone.”

2 Samwele 2:11

Ndaviti washwanene mu Hevelone na mu Yunda myaka itanu na ivali na vingonde vitanu na imo.

2 Samwele 21:16

Likisi-kisi umo lizina lyendi Ishembimbenombe, wambatele likunga lya vunengu vulemu vwalyo vwapwile makilo atatu na litambelo washwelele mukwale wauwa, co ikeye wayongwele ngeci atsiye Ndaviti.

Myaso 78:12

Ikeye walingile vikomokeso kuli vakukulwila vavo, mu cana ca Zoane mu lifuti lya Ingito.

Myaso 78:43

Njambi walingile vilinga vyendi vya nzili, na vizivukiso mu cana ca Zoane, mu lifuti lya Ingito.

Isaya 19:11

Vantwama va mu nganda ya Zoane vanapu vilema! Vanalume vakamana va mu Ingito vakanangula vya vukolokomba! Vatijo valeka mwene wa Ingito ngwavo, vakevo vapwa vanu va mana manene, co naanga yavo yapwa naanga ya vimyene va ku san̄ulu?

Isaya 19:13

Vantwama va Zoane na Mefise vanapu vikolokomba. Vanapandele kutwamenena lifuti mwamuvwa, oloni vanalisevwisa.

Isaya 30:4

Nameme vaka-kuvemanena vavo va lifuti vaneja laja mu vinganda vya Ingito vya Zoane na Hanese,

Kulava 13:17

Omo Mosesa wavatumine nakunenga lifuti lya Kanana, co wendekele kuli vakevo ngwendi, “Lamateni ngila ya ku kunto ije iya ku mutambela wa lifuti lya ku mbwela ya Kanana, co lamateni ku lifuti lya malundu.

Kulava 13:28

Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje.

Kulava 13:33

Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”

Kwituluka mu Mashiko 9:2

Co vanu vamwo vapwa vavalaja na nzili, vakevo vatekulwila va makisi-kisi, mwavazivuka laja ngwavo naumo wai asa kulwa navo nakuvafungulula.

Yoshwa 10:36

Munima yevi, Yoshwa na mashwalale vendi vatundile ku Engelone valamatele ku malundu nakuya ku Hevelone, co valwile navo.

Yoshwa 21:13

Kukumbasanako Hevelone, (yapwile nganda imo mwakutewela, kuli munu uje natsii mukwavo), co vinganda evi vavyanene vatekulwila va Alone muka-kukombelela, mazina avyo Limbena,

Maako 1:10

Co vaile nakulwisa vaKanana vaje vakele mu nganda ya Hevelone, laja Hevelone vaitumbwile ngwavo Kilyate Alemba. Co kuje vakafungulwile vikota vya Sheshai, na Ahimene, na Talemai.

1 Samwele 30:31

na Hevelone. Watumine litambelo livapukwile ku mitambela yoshe kuje wakele na vanu vendi.