Kulava 12:6 - Livulu lya Shukulu Kalunga

⁶ Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Kulava 12:6 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Kushangumuka 20:7

Oloni nameme ngoco, ilwisa munakazi kuli munalume wendi, omwo ikeye napu muka-kwimanena, ikeye akakulombelela, co kuukatsi embwe. Oloni nga yove kuumwilwisa, njikuleka ngwange ukatsa, yove na vanu vove voshe.”

Kushangumuka 28:12

Ngecivene, walotele njozi, wamwene ndendelo yakama yatundu asi nakweta mwilu, na tungelo vakele nakulonda mwilu nakushuluka asi a ikeyo.

Kushangumuka 28:16

Asinoni Yakomba wakasumukile ku tulo, wendekele ngwendi, “Mwa vushunga Shukulu Kalunga ali kuno! Ikeye ali mu mutambela uno vene, oloni yange kunjazivukile!”

Kushangumuka 37:5

A vutsiki vumo Yosefa walotele njozi, wailekele vandolome vendi, cooni vamuzindile manene kutuvakana.

Kushangumuka 37:9

Yosefa walotele lalo njozi ikwavo, wailekele lalo vandolome vendi ngwendi, “Kengeni njaloto njozi ikwavo lalo, njamwene litangwa, na ngonde, na vingongonosi likumi na imo vilinakunjitsikamena.”

Kushangumuka 46:2

Njambi wendekele nendi ku vutsiki mu cimona wamusanene ngwendi, “Yakomba, Yakomba!” Co wakumbulwile ngwendi, “Ewa, yange uno Shukulu.”

2 Samwele 7:4

Oloni ku vutsiki vuje vene, Shukulu Kalunga wendekele kuli Natane ngwendi,

1 Vimyene 3:15

Solomoni wakasumukile mu tulo, co wanangukile ngeci kuma Njambi nendeka nendi ku tulo. Co waile ku Yelusalema wakemanene, kulutwe lwa Cikasa ca Cikumiiyo ca Shukulu Kalunga, co wakanene vin̄ombelo vya kwenyeka na milambu ya kulitombola kuli Shukulu Kalunga. Co akumanesa walingilile ciwano vamyata vendi voshe.

1 Vimyene 3:5

A vutsiki vuje vene Shukulu Kalunga washolokele kuli Solomoni mu njozi nakumwihula ngwendi, “Vikajo ushaka ngeci njikwanevyo?”

Yombi 33:15

Ku vutsiki omo vanu vanalala, co Njambi endeka kuli vakevo mu vinjozi na mu vimona.

Yombi 4:13

Capwile ngwe njozi ku vutsiki, ije ikatanganesa tulo.

Myaso 105:15

Wendekele kuli vakevo ngwendi, “Kesi muvulumune vangamba vange vakwangula, co kesi muvulumune vaka-kwimanena vange!”

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Kutuuka 7:1

Co Shukulu Kalunga wendekele kuli Mosesa ngwendi, “Kenga, njikakupwisa ngwe u Njambi kuli mwene, co ndolome yove Alone akendeka kuli ikeye ngwe muka-kwimanena wove.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ndanyele 10:8

Njasalele kuje ange lika mukumona cimona eci cakukomokesa. Kunjakele na nzili lalo yai, co cihanga cange cemukile mweka ngeci naumo wai wasale kunjizivuka.

Ndanyele 2:19

Co ku vutsiki vuje vene, lije lihungu lya njozi ya mwene lyajombolokele kuli Ndanyele mu cimona, co ikeye walemesele Njambi wa mwilu ngwendi,

Ndanyele 7:1

Mu mwaka wakulivanga omo Mbeleshazale wapwile mwene wa Mbambilone, njalotele njozi, co njamwene cimona ku vutsiki vuje. Njasonekele ije njozi, co ovu vukevwo vukaleo

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Njwele 3:1

Shukulu Kalunga alinakwendeka ngwendi, “A simbu ije njikelwisa vivezikiso vya Yunda na Yelusalema.

Zakaliya 1:8

Njamwene kangelo ka Shukulu Kalunga walondele a kavalu wakuvenga. Co wemanene mu cana akati ka miti ya mikuve, munima yendi mwakele lalo tuvalu vakwavo vakuvenga, na ava vakuvenguluka, na ava vakutoka.

Kulava 24:4

uje asa kuziva vije vyalinakwendeka Njambi. Uje amona nakutungukwa cimona ca Njambi Muka-nzili yoshe. Uje awila asi ngwe natsi kavela-vela, oloni mesho endi natono amona vyoshe.

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Mateo 2:19

Oloni omo Helonde watsile, kangelo ka Mwene washolokele kuli Yosefa mu njozi ku Ingito, wendekele ngwendi,

Mateo 23:31

Ngecivene, mwatavele vukaleo yeni vavenya ngweni, ‘Tu vatekulwila va vaje vatsiile vaka-kwimanena.’

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Mateo 27:19

Omo Pilato watumbamene a litanda lyakusompa, munakazi wendi watumine majwi kuli ikeye ngwendi, “Kesi ulinge cuma cimo ali munu owo wakujeneka mulonga, omwo njozi njinaloto ya ali ikeye inanjiyandesa manene.”

Luka 1:11

Kwamusholokelele kangelo ka Shukulu Kalunga, wemanene ku cilyo ku mutula wakwenyekela insense.

Luka 1:22

Omo Zakaliya watuukilemo, kasele kwendeka kuli vakevo, co vazivukile ngwavo namono cimona mu Njuvo ya Shukulu Kalunga. Akwonwa kwendeka lijwi limo, walingile vimweso kuli vakevo na mavoko endi.

Luka 20:6

Oloni nga twendeka ngwetu, ‘Yatundile kuli munu,’ Co eyi mbunga yoshe ilikuno vatwasha mamanya, omwo voshe vazivuka ngeci Yowano wapwile muka-kwimanena.”

Vilinga vya Miluwa 10:11

Co wamwene lilu linashokoloka na cuma cimo cakulifwa ngwe nanga yakama cazezumukilile asi cakukuta ku vimbango viwana.

Vilinga vya Miluwa 10:17

Omo Petulu simbu acilikomokela a cije cimona mucinalumbunukila, kengeni, vanalume vaje vatumine Konelyasi vehwile ku njuvo ya Simoni, co a simbu ije vemanene ku cikolo.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Kwituluka mu Mashiko 18:15

Shukulu Kalunga Njambi yeni akamitumina muka-kwimanena ngwe yange wakutunda akati keni vavenya, co mukamwononoka.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

1 Samwele 28:6

ngecivene, Saulu wehwile kuli Shukulu Kalunga vije vyanapande kulinga. Oloni Shukulu Kalunga kamukumbulwile, nambe mu vinjozi, nambe kupangesa Ulime na Tumime, nambe a vaka-kwimanena.

1 Samwele 3:15

Co Samwele walalele noo mutondo, asinoni wendukile nakushokolola vikolo vya ku Njuvo ya Shukulu Kalunga. Co ikeye wakele na lyova akwambulula cimona kuli Eli.

1 Samwele 3:21

Co Shukulu Kalunga washolokele ku Shilo, kuje wendekele na Samwele simbu yakulivanga. Omo Samwele wendekele, co Isalele yoshe vamutolililile.