Kulava 12:2 - Livulu lya Shukulu Kalunga

² Co vendekele ngwavo, “Kuma Shukulu Kalunga wendekele muli Mosesa lika ndi? Kuma kendekele lalo na muli yetu ndi?” Co Shukulu Kalunga wazivile vije vendekele.

Kulava 12:2 Iomraidhean Croise

Kushangumuka 29:33

Co Leya wakele lalo na kafumba, wakitile mwana wa munalume mukwavo. Wendekele ngwendi, “Shukulu Kalunga nanjana lalo mwana wa munalume omwo nazivi ngeci munalume wange kanjizemene.” Ngecivene, wamulukile lizina lyendi Simyoni.

2 Samwele 11:27

Omo simbu yakulila yahwile, Ndaviti wanenele Mbateshemba mu lipela lyendi, wapwile munakazi wendi, co wakitile mwana wa munalume. Oloni Shukulu Kalunga kavwaelelele a vije vyalingile Ndaviti.

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Kutuuka 4:14

Co a cuma eci Shukulu Kalunga waluvalele na Mosesa wendekele ngwendi, “Vati ndolome yove Alone, kaLevi? Njazivuka ngeci ikeye asa kwendeka mwamuvwa. Ololo ali mu ngila nakukushesha, co omo akakumona akavwaelela mu mbunge yendi.

Kutuuka 4:30

Co Alone wavalekele vyoshe vije vyendekele Shukulu Kalunga kuli Mosesa, asinoni Mosesa walingile vikomokeso vyoshe ku mesho a vanu.

Kutuuka 5:1

Asinoni Mosesa na Alone vaile kuli mwene wa Ingito vendekele ngwavo, “Shukulu Kalunga, Njambi ya Isalele, nendeka ngwendi, ‘Ecela vanu vange vaye mu mambo, ngeci vakanjilingile ciwano cakunjilemesa.’ ”

Kutuuka 7:10

Ngecivene, Mosesa na Alone vaile kuli mwene valingile ngwe muje mwavashikile Shukulu Kalunga. Alone wombilile mulamu wendi asi ku mesho a mwene na vantwama vendi, co walimukile linyoka.

Visimo 13:10

Kulyalesa kunena vukalu, oloni mana ali muli vaje vatolilila kukuvanangula.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Mika 6:4

Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena.

Kulava 11:1

Vanu va Isalele vashangumukile kulinyenyetela kuli Shukulu Kalunga a vukalu vwavo. Co omo Shukulu Kalunga wazivileko, waluvalele, co watumine tuhya ali vanu. Co twashukumine mukati kavo twenyekele mutambela umo wa cilombo cavo nakweta ku shongo yaco.

Kulava 11:29

Oloni Mosesa wamukumbulwile ngwendi, “Kuma yove unjizivila lifuwa ndi? Capandele ngeci Shukulu Kalunga aake Munzinzime wendi ali vanu vendi voshe ngeci voshe vapwe ngwe vaka-kwimanena!”

Kulava 12:3

Mosesa wapwile munu wa kulikeesa kutuvakana vanu voshe ano asi.

Kulava 16:3

Co vakungulukile kulwisa Mosesa na Alone, vendekele kuli vakevo ngwavo, “Yeni vantwama muli na kulyalesa manene! Mbunga yoshe eyi yapwa yakujela, co Shukulu Kalunga lalo ali netu voshe. Ngecivene, omwo vikajo munalyana yeni vavenya vuntwama akamwa ya mbunga ya Shukulu Kalunga?”

Loma 12:10

Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

Filipu 2:14

Lingeni vyuma vyoshe kujeneka kulinyenyeta nambe kulikanangana,

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”