Kulava 12:13 - Livulu lya Shukulu Kalunga

¹³ Ngecivene, Mosesa walombelele kuli Shukulu Kalunga ngwendi, “Njakulombo yove Njambi ngwange umukangwise!”

Kulava 12:13 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

Myaso 30:2

Yove Shukulu Kalunga Njambi yange, njalombelele kuli yove ngeci unjikwase, co yove wanjikangwisile.

Myaso 41:4

Njendekele ngwange, “Njizivileko mema ku mbunge yove Shukulu Kalunga, njikangwise omo njinavulumuna kuli yove!”

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Kutuuka 4:7

Asinoni Shukulu Kalunga wendekele kuli ikeye ngwendi, “Ilwisila lalo livoko lyove mukati ka cikoveyo a nulo yove.” Co Mosesa welwisilile lalo livoko lyendi mukati ka cikoveyo a nulo yendi, co omo walitundisilemo, kengeni lyapwile lyalivwa ngwe muje muwapwile muvila wendi laja.

Isaya 30:26

Ngonde ikatwa ceke ngwe litangwa, co ceke ca litangwa cikatuvakana kuvyazima visimbu vitanu na vivali ngwe ceke ca matangwa atanu na avali ku litangwa olyo omo Shukulu Kalunga akakuta vimbandu vya vanu vendi, nakukangwisa mikiki ije yavapupile.

Njelemiya 17:14

Shukulu Kalunga njikangwise, co njikapwa mukangule, njamene, co njikovoka, omwo njikakushangazala!

Kulava 11:2

Asinoni vanu va Isalele vatambekele kuli Mosesa ngeci avakwase, co Mosesa walombelele kuli Shukulu Kalunga, co tuhya twazimine.

Kulava 12:12

Kesi utave ndokazi yetu apwe ngwe mutsi nambe ngwe mwana uje navolela mwimo lya vaina embwe.”

Kulava 14:2

Co valinyenyetelele kuli Mosesa na Alone. Asinoni mbunga yoshe vendekele ngwavo, “Tawe! Nga capwile mwamuvwa manene kutsila mu Ingito nambe ngano muno mu mambo!

Kulava 16:41

Alikaki mbunga yoshe ya vanu va Isalele valinyenyetelele kuli Mosesa na Alone vendekele ngwavo, “Yeni munatsii vanu va Shukulu Kalunga.”

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Luka 6:28

vezikiseni vaje vamisinga, co lombeleleni vaje valinakumiyandesa.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

Loma 12:21

Kesi mutave vuvi vumihyane, oloni hyaneni vuvi na vuvwa.

Yakomba 5:15

Co kulomba oku mukukulaela kukovola uje muka-kuvinja, co Mwene akamukangwisa, nga ikeye nalingi vuvi, co vakamusambesa.

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.